ആര്‍ത്തവം വൃത്തികെട്ട കാര്യം, സഭയില്‍ ചര്‍ച്ച ചെയ്യരുത്; ബി.ജെ.പി, എം.എല്‍.എ

സ്ത്രീകളുടെ ആര്‍ത്തവത്തെ കുറിച്ച് നിയമസഭയില്‍ ചര്‍ച്ച ചെയ്യേണ്ട കാര്യമില്ലെന്ന് അരുണാചല്‍ പ്രദേശിലെ ബിജെപി എംഎല്‍എ ലോകാം താസ്സര്‍. നിയമസഭ ഒരു പുണ്യസ്ഥലമാണ്. ആര്‍ത്തവം പോലുള്ള വൃത്തികെട്ട കാര്യങ്ങള്‍ സഭയില്‍ ചര്‍ച്ച ചെയ്യരുത് എന്നുമാണ് എംഎല്‍എ പറഞ്ഞത്.

വിദ്യാര്‍ത്ഥിനികള്‍ക്കും ജോലി ചെയ്യുന്ന സ്ത്രീകള്‍ക്കും ആര്‍ത്തവസമയത്ത് ഒരു ദിവസം അവധി നല്‍കണം എന്ന ആവശ്യവുമായി ബന്ധപ്പെട്ടുള്ള ബില്‍ നിയമസഭയില്‍ ചര്‍ച്ച ചെയ്യുന്നതിനെ എതിര്‍ത്ത് കൊണ്ടായിരുന്നു എംഎല്‍എയുടെ പരാമര്‍ശം. ഇത്തരം കാര്യങ്ങളെ കുറിച്ച് വനിതാ കമ്മീഷനില്‍ മാത്രം ചര്‍ച്ച ചെയ്താല്‍ മതിയെന്നും എംഎല്‍എ കൂട്ടിച്ചേര്‍ത്തു.

ഇറ്റലി, ജപ്പാന്‍ പോലുള്ള രാജ്യങ്ങളും ഇന്ത്യയില്‍ ബിഹാര്‍, കേരളം പോലുള്ള സംസ്ഥാനങ്ങളും ആര്‍ത്തവസമയത്ത് സ്ത്രീകള്‍ക്ക് അവധി കൊടുക്കുന്നത് അടക്കമുള്ള സൗകര്യങ്ങള്‍ നല്‍കുന്നുണ്ട് എന്ന് കോണ്‍ഗ്രസ് എം.എല്‍.എ പറഞ്ഞു.

എന്നാല്‍, ബിജെപി എംഎല്‍എമാരുടെ എതിര്‍പ്പിനെ തുടര്‍ന്ന് ബില്‍ സഭയില്‍ ചര്‍ച്ചക്ക് വെയ്ക്കാന്‍ കഴിയാതെ പിന്‍വലിച്ചു. കോണ്‍ഗ്രസ് എം.എല്‍.എ നിനോങ് എറിങ് അവതരിപ്പിച്ച പ്രമേയത്തെയും എംഎല്‍എമാര്‍ എതിര്‍ത്തു.

അരുണാചല്‍ പ്രദേശിലെ ന്യിഷി ഗോത്ര വര്‍ഗ വിഭാഗങ്ങള്‍ക്കിടയില്‍ നിലനില്‍ക്കുന്ന ആചാരങ്ങളെ കുറിച്ച് പരാമര്‍ശിച്ച് കൊണ്ടാണ് ബിജെപി എംഎല്‍എമാര്‍ ബില്ലിനെ എതിര്‍ത്തത്. ഈ ഗോത്രവര്‍ഗത്തിന്റെ ആചാര പ്രകാരം ‘അശുദ്ധിയുള്ള’ ആര്‍ത്തവ സമയത്ത് സ്ത്രീകള്‍ അടുക്കളയില്‍ നിന്നും അകലം പാലിച്ച് ദൂരെ വേണം കിടന്നുറങ്ങാന്‍. അതുപോലെ മറ്റ് ആളുകളുടെ അടുത്തേക്കൊന്നും വരാന്‍ പാടില്ല, പുരുഷന്മാര്‍ക്കൊപ്പം ഇരുന്ന് ഭക്ഷണം കഴിക്കാന്‍ പാടില്ല എന്നൊക്കയാണ് ബിജെപി എംഎല്‍എമാര്‍ പറഞ്ഞത്.

ആര്‍ത്തവ സമയത്ത് അവധി എന്നത് കേരളത്തിലും ബിഹാറിലുമൊക്കെ അനുവദിച്ചിട്ടുണ്ടാകാം, എന്നാല്‍ അത് അരുണാചല്‍ പ്രദേശില്‍ സാധിക്കില്ലെന്നും എംഎല്‍എമാര്‍ കൂട്ടിച്ചേര്‍ത്തു.

Latest Stories

IPL 2025: ഡൽഹി ക്യാപിറ്റൽസ് മാനേജ്‍മെന്റ് വിളിച്ചട്ടും വരാതെ ഇരുന്നത് ആ ഒരു കാരണം കൊണ്ടാണ്: മിച്ചൽ സ്റ്റാർക്ക്

IPL 2025: ഈ ദുരന്തത്തിന് അവന്മാരാണ് കാരണം, അതുകൊണ്ട് ഞങ്ങൾ നടപടികൾക്ക് ഒരുങ്ങുകയാണ്: ബിസിസിഐ സെക്രട്ടറി

'എനിക്ക് പണി തന്ന ആ താരത്തെ പുറത്താകാൻ ഞാൻ ശ്രമിച്ചു'; ഞെട്ടിക്കുന്ന വെളിപ്പെടുത്തലുമായി രോഹിത് ശർമ്മ

ഭൂമിക്കേ ആവശ്യമില്ലാത്ത ജീവിതമാണ്, ആത്മഹത്യ ചെയ്യാന്‍ തോന്നും.. ഡിപ്രഷന് മരുന്ന് കഴിച്ചു കൊണ്ടിരിക്കുന്ന ആളാണ് ഞാന്‍: ലക്ഷ്മി മേനോന്‍

തൊഴിൽ ചട്ടങ്ങളിൽ മാറ്റം വരുത്തി ആന്ധ്ര; ജോലി സമയം 9 ൽ നിന്നും 10 മണിക്കൂർ ആക്കി, ആറ് മണിക്കൂർ ജോലി ചെയ്താൽ 1 മണിക്കൂർ വിശ്രമം

'തെറ്റായ വിവരങ്ങള്‍ പ്രചരിപ്പിക്കുന്നത് നിയമത്തോടുള്ള അനാദരവ്, തികച്ചും അസംബന്ധം'; രാഹുൽ ​ഗാന്ധിയുടെ ആരോപണം തള്ളി തെരഞ്ഞെടുപ്പ് കമ്മിഷൻ

കേരളത്തിൽ കൊവിഡ് കേസുകൾ 2000ത്തിലേക്ക്, ഒറ്റ ദിവസം 127 പേരുടെ വർധന; രാജ്യത്ത് 5755 പേർക്ക് കൊവിഡ്

തെന്നല ബാലകൃഷ്ണപിളള ഇനി ഓർമ്മ; അന്തിമോപചാരം അര്‍പ്പിച്ച് നേതാക്കൾ

'മഹാരാഷ്ട്ര തെരഞ്ഞെടുപ്പില്‍ ഒത്തുകളി നടന്നു, ബിഹാറിലും ബിജെപി ഇത് ആവര്‍ത്തിക്കും'; വീണ്ടും ഗുരുതര ആരോപണങ്ങൾ ഉന്നയിച്ച് രാഹുല്‍ ഗാന്ധി

ഗവര്‍ണര്‍ ആര്‍ലേക്കറുടെ ഭാരതാംബ ആര്‍എസ്എസിന്റേയും; ത്രിവര്‍ണപതാകയല്ല, അത് കാവിക്കൊടി; ഭാരതമാതാവിന്റെ ചരിത്രം ബ്രിട്ടീഷുകാര്‍ക്കെതിരെ പോരാടിയവരുടേതാണ്, കാവി തിരുകി കയറ്റിയാല്‍ ചരിത്രം മാറില്ല