ഡല്ഹിയിലെ വിവേക് വിഹാര് മേഖലയിലെ നാലുനില ഫ്ലാറ്റിൽ ഉണ്ടായ തീപിടുത്തത്തിൽ 9 മരണം. നാലുപേര്ക്ക് ഗുരുതരമായി പരിക്കേറ്റു. ഇന്ന് പുലര്ച്ചെ നാല് മണിയോടെയിരുന്നു സംഭവം. പരിക്കേറ്റവരെ ഗുരു തേജ് ബഹാദൂര് ആശുപത്രിയില് പ്രവേശിപ്പിച്ചു.
കെട്ടിടത്തിന്റെ രണ്ടാംനിലയില് നിന്നാണ് തീ പടര്ന്നത്. ഇത് പിന്നീട് മൂന്നാമത്തെയും നാലാമത്തെയും നിലകളിലേക്ക് തീ പടരുകയായിരുന്നു. താമസക്കാര് ഉറങ്ങിക്കടക്കുമ്പോഴാണ് തീപടര്ന്നതെന്നാണ് നിഗമനം.
അപകടത്തിന് പിന്നാലെ പതിനാല് ഫയര് എഞ്ചിനുകളാണ് സ്ഥലത്തെത്തിയത്. 12ലധികം പേരെ രക്ഷപ്പെടുത്തി. തീ പിടിത്തത്തിന്റെ കാരണം എന്താണെന്ന് ഇതുവരെ വ്യക്തമല്ല. എയര് കണ്ടീഷണര് പൊട്ടിത്തെറിച്ചതാകാം തീപ്പിടിത്തത്തിലേക്കേ് നയിച്ചതെന്ന് താമസക്കാരിലൊരാള് പറഞ്ഞതായി റിപ്പോര്ട്ടുണ്ട്.