ഡൽഹി ഐഎൻഎ മാർക്കറ്റിലുണ്ടായ വൻ തീപിടുത്തത്തിൽ ആറ് പേർക്ക് പൊള്ളലേറ്റതായി വിവരം. ഇന്ന് പുലർച്ചെ മൂന്ന് മണിക്കാണ് അപകടം. റെസ്റ്റോറന്റിലെ സിലിണ്ടർ പൊട്ടിത്തെറിച്ചാണ് അപകടമുണ്ടായതെന്നാണ് പ്രാഥമിക നിഗമനം. എട്ടോളം അഗ്നി ശമന വാഹനങ്ങളെത്തി തീ അണച്ചു. പരിക്കേറ്റവരെ ആശുപത്രിയിലേക്ക് മാറ്റി. അതേസമയം അപകടത്തിന്റെ കൂടുതൽ വിവരങ്ങൾ ശേഖരിച്ചു വരികയാണെന്ന് പൊലീസ് പറഞ്ഞു.