ജോലിക്ക് പോകാന് നിര്ബന്ധിച്ച ഭാര്യയെ കുത്തിക്കൊന്ന് ഭര്ത്താവ് ജീവനൊടുക്കി. മധ്യപ്രദേശിലെ ജബല്പുര് സ്വദേശി വിഭ്ഹോര് സാഹു(30)വാണ് ഭാര്യ റിതു(23)വിനെ കൊലപ്പെടുത്തി ജീവനൊടുക്കിയത്.
കഴിഞ്ഞദിവസമായിരുന്നു സംഭവം. ഡ്രൈവറായി ജോലി ചെയ്തിരുന്ന സാഹു കഴിഞ്ഞ പതിനഞ്ച് ദിവസങ്ങളായി ജോലിക്ക് പോയിരുന്നില്ല. ഈ സമയങ്ങളിലത്രയും ഋതു ജോലിക്ക് പോകാനായി സാഹുവിനെ നിര്ബന്ധിച്ചിരുന്നു. ഇതിലുള്ള രോഷമാണ് കൊലയിലേക്ക് നയിച്ചതെന്നും പൊലീസ് പറയുന്നു.
സംഭവം നടന്ന ദിവസം ഇതേ വിഷയത്തില് ഇരുവരും തമ്മില് വാക്കേറ്റമുണ്ടായി എന്നും തുടര്ന്ന് ഋതുവിനെ സാഹു കത്രിക കൊണ്ട് പല തവണ കുത്തുകയായിരുന്നുവെന്നും പൊലീസ് പറയുന്നു. ഗുരുതരമായ പരുക്കേറ്റ ഋതു വൈകാതെ തന്നെ മരണത്തിന് കീഴടങ്ങി. പിന്നീടാണ് സാഹു ആത്മഹത്യ ചെയ്തത്.
സാഹുവിന്റെ അമ്മയും സഹോദരനും ഒരു പൂജയില് പങ്കെടുക്കാനായി വീട്ടില് നിന്ന് പോയ സമയത്താണ് സംഭവം നടന്നത്. വീട്ടില് തിരിച്ചെത്തിയ ഇവരാണ് ഇരുവരെയും മരിച്ച നിലയില് കണ്ടെത്തിയത്.