പ്രവാചക നിന്ദ പരാമർശത്തിൽ നൂപുർ ശർമയെ പിന്തുണച്ച് പോസ്റ്റിട്ട യുവാവ് അറസ്റ്റിൽ. മുകേഷ് ചവാനാണ് നൂപുർ ശർമയെ പിന്തുണച്ച് ഫെയ്സ്ബുക്ക് പോസ്റ്റിട്ടതിന് അറസ്റ്റിലായത്. നൂപുർ ശർമയെ പിന്തുണച്ചുകൊണ്ടുള്ള യുവാവിന്റെ ഫെയ്സ്ബുക്ക് പോസ്റ്റ് കണ്ട ഒരാൾ പൊലീസിൽ പരാതി നൽകിയതിനെ തുടർന്നാണ് നടപടി.
പരാതിയുടെ അടിസ്ഥാനത്തിൽ, പൊലീസ് ചവാനെതിരെ ഇന്ത്യൻ ശിക്ഷാനിയമം 153 പ്രകാരം കേസെടുത്തു. പോസ്റ്റ് സമൂഹത്തിൽ തെറ്റായ സന്ദേശമാണ് നൽകുന്നതെന്നും പരാതിക്കാരന്റെ മതവികാരം വ്രണപ്പെടുത്തിയെന്നും എഫ്ഐആറിൽ പറയുന്നു.
നേരത്തെ ചാനല് ചര്ച്ചക്കിടയില് മുഹമ്മദ് നബിയേക്കുറിച്ച് വിവാദ പരാമര്ശം നടത്തിയ ദേശീയ വക്താവ് നൂപുര് ശര്മയെ ബി.ജെ.പി. സസ്പെന്ഡ് ചെയ്തിരുന്നു. നൂപുര് ശര്മ, പ്രവാചകന് മുഹമ്മദ് നബിയെ അവഹേളിക്കുന്ന പ്രസ്താവന നടത്തിയെന്ന് ആരോപിച്ച് മുസ്ലിം സംഘടനകള് വ്യാപക പ്രതിഷേധവുമായി രംഗത്തെത്തിയിരുന്നു.
നൂപുറിന്റെ പരാമര്ശത്തെ തള്ളിയ ബി.ജെ.പി, ഏതെങ്കിലും മതവ്യക്തിത്വങ്ങളെ അപമാനിക്കുന്നതിനെ ശക്തമായി അപലപിക്കുന്നുവെന്നും വ്യക്തമാക്കിയിരുന്നു.