മഹാരാഷ്ട്ര-ഹരിയാന സംസ്ഥാനങ്ങളിലെ നിയമസഭ തിരഞ്ഞെടുപ്പുകളുടെ വോട്ടര്പട്ടിക പുറത്തുവിടുമെന്ന റിപ്പോര്ട്ട് സ്വാഗതം ചെയ്യുന്നതായി രാഹുല് ഗാന്ധി. കോണ്ഗ്രസിന്റെ അഭ്യര്ഥന മാനിച്ച് മഹാരാഷ്ട്രയിലെയും ഹരിയാനയിലെയും 2009 മുതലുള്ള വോട്ടര്പട്ടിക നല്കാന് തിരഞ്ഞെടുപ്പ് കമ്മിഷന് ഒരുങ്ങുന്നു എന്നാണ് റിപ്പോര്ട്ടുകള്. ഇരു സംസ്ഥാനങ്ങളിലെയും തിരഞ്ഞെടുപ്പ് ഓഫിസര്മാര് ഇതിനുള്ള അനുമതി നല്കിയിട്ടുണ്ടെന്നുള്ള പത്ര വാര്ത്ത എക്സില് പങ്കുവെച്ചാണ് രാഹുലിന്റെ പ്രതികരണം.
അതേസമയം പട്ടിക എന്ന് കൈമാറുമെന്ന് കൂടി വ്യക്തമാക്കണമെന്നും രാഹുല് ഗാന്ധി ആവശ്യപ്പെട്ടു. മഹാരാഷ്ട്ര വോട്ടര്പട്ടിക ക്രമക്കേട് വീണ്ടും ആരോപിച്ചതിന് പിന്നാലെ രാഹുലും തെരഞ്ഞെടുപ്പ് കമ്മീഷനും തമ്മിലുള്ള തര്ക്കം രൂക്ഷമായിരുന്നു. എന്നാല് രാഹുല് ഗാന്ധിയുടെ ആരോപണങ്ങള് തിരഞ്ഞെടുപ്പ് കമ്മീഷന് തള്ളുകയായിരുന്നു. തിരഞ്ഞെടുപ്പ് കമ്മിഷന് സ്വീകരിക്കുന്ന നല്ല തീരുമാനമാണിതെന്നും രാഹുല് ഗാന്ധി എക്സില് കുറിച്ചു.