മുതിര്ന്ന ബിജെപി നേതാവ് എല്കെ അദ്വാനിയെ ആശുപത്രിയില് പ്രവേശിപ്പിച്ചു. ഡല്ഹി അപ്പോളോ ആശുപത്രിയില് ചികിത്സയിലിരിക്കുന്ന അദ്വാനിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര് അറിയിച്ചു. 96കാരനായ അദ്വാനിയെ ഒരു മാസത്തിനിടെ ഇത് രണ്ടാം തവണയാണ് ആശുപത്രിയില് പ്രവേശിപ്പിച്ചിരിക്കുന്നത്.
ജൂലൈ ആദ്യ ആഴ്ചയും അദ്വാനിയെ ആശുപത്രിയില് പ്രവേശിപ്പിച്ചിരുന്നു. 1998 മുതല് 2004 വരെ രാജ്യത്തെ ആഭ്യന്തര മന്ത്രിയായിരുന്നു എല്കെ അദ്വാനി. 2002 മുതല് 2004 വരെ രാജ്യത്തെ ഉപപ്രധാന മന്ത്രിയായിരുന്നു അദ്വാനി. 2024ല് രാജ്യം ഭാരത രത്ന നല്കി ആദരിച്ചു. നിലവില് അപ്പോളോ ആശുപത്രിയിലെ ന്യൂറോ സര്ജന് ഡോ വിനീത് സൂരിയുടെ നിരീക്ഷണത്തിലാണ് അദ്വാനി.