ബിജെപി നയിക്കുന്ന കേന്ദ്ര സര്‍ക്കാരിനെതിരേ രൂക്ഷ വിമര്‍ശനവുമായി ഡല്‍ഹി മുഖ്യമന്ത്രി അരവിന്ദ് കെജ്രിവാള്‍. പാക്കിസ്ഥാന്‍ ഇന്റലിജന്‍ ഏജന്‍സി ഐഎസ്‌ഐക്ക് 70 വര്‍ഷം ഇന്ത്യയില്‍ ചെയ്യാന്‍ സാധിക്കാത്തത് മൂന്ന് വര്‍ഷം കൊണ്ട് ബിജെപി സര്‍ക്കാര്‍ ചെയ്തുവെന്ന് ആം ആദ്മി ദേശീയ കണ്‍വഷനില്‍ കെജ്രിവാള്‍ വിമര്‍ശിച്ചു.
മുസ്ലിംങ്ങളെയും ഹിന്ദുക്കളെയും തമ്മിലടിപ്പിച്ച് കാര്യം നേടാനാണ് ചില ആളുകള്‍ ശ്രമിക്കുന്നത്. ദേശീയതയുടെ മുഖം മൂടിയണിയുന്ന ഇവര്‍ രാജ്യ ദ്രോഹികളാണെന്നും കെജ്രിവാള്‍ ബിജെപിക്കെതിരേ ആഞ്ഞടിച്ചു.
ഡല്‍ഹി രാംലീല മൈതാനത്ത് ആയിരക്കണക്കിന് ആം ആദ്മി പ്രവര്‍ത്തകരെ അഭിസംബോധന ചെയ്ത് സംസാരിക്കുകയായിരുന്നു കെജ്രിവാള്‍. തെരഞ്ഞെടുപ്പ് നടക്കാനിരിക്കെ അധികാരത്തിലുള്ള ബിജെപിയെ തൂക്കിയെറിയണം. ബിജെപിയെ തോല്‍പ്പിക്കാനുള്ള സ്ഥാനാര്‍ത്ഥിക്കു വേണ്ടി നിങ്ങള്‍ വോട്ടു ചെയ്യുക. എഎപിക്കാണ് ഇതിന് സാധ്യതയെങ്കില്‍ അവര്‍ക്കു ചെയ്യുക. ബിജെപിയെ തോല്‍പ്പിക്കുകയാണ് ഇതില്‍ മുഖ്യം. ഗുജറാത്തിലുള്ള ആം ആദ്മി പ്രവര്‍ത്തകരോട് കെജ്രിവാള്‍ ആവശ്യപ്പെട്ടു.
https://www.facebook.com/AAPkaArvind/videos/1472733022824190/