രാജ്യമെങ്ങും തെലുങ്കാന മോഡല് വികസനം എന്ന ആഹ്വാനവുമായി ദേശീയ പാര്ട്ടി പ്രഖ്യാപനത്തിന് ഒരുങ്ങി കെസിആർ. തെലുങ്കാന രാഷ്ട്ര സമിതിയെ ഭാരതീയ രാഷ്ട്ര സമിതിയാക്കിയാണ് മാറ്റുന്നത്. കോണ്ഗ്രസില്ലാത്ത ഫെഡറല് മുന്നണി ആശയമാണ് ടിആര്എസ് മുന്നോട്ടുവയ്ക്കുന്നത്.
മുതിര്ന്ന ടിആര്എസ് നേതാക്കള്ക്ക് മുന്നില് ഞായറാഴ്ച കെസിആര് കര്മ്മപദ്ധതി അവതരിപ്പിക്കും. വിപുലമായ പരിപാടികളുമായി പാര്ട്ടി പ്രഖ്യാപനം നടത്താനാണ് നീക്കം. കോണ്ഗ്രസ് ഒഴികെ മറ്റ് പ്രാദേശിക പാര്ട്ടി നേതാക്കളെയും ചടങ്ങിലേക്ക് ക്ഷണിക്കാനാണ് തീരുമാനം.
രാഷ്ട്രപതി തിരഞ്ഞെടുപ്പുമായി ബന്ധപ്പെട്ട് കഴിഞ്ഞ ദിവസം മമത ബാനര്ജി വിളിച്ച യോഗത്തില് നിന്ന് ടിആര്എസ് വിട്ടുനിന്നിരുന്നു. അഖിലേഷ് യാദവ്, ഹേമന്ദ് സോറന്, ദേവഗൗഡ, അണ്ണാഹസാരെ തുടങ്ങിയവരെ നേരത്തെ കെസിആര് വസതിയിലെത്തി കണ്ടിരുന്നു.
പിണറായി വിജയന്, സീതാറാം യെച്ചൂരി അടക്കമുള്ള സിപിഎം നേതാക്കള് തെലുങ്കാന സന്ദര്ശനത്തിനിടെ കെസിആറിന്റെ വസതിയിലെത്തിയും കൂടിക്കാഴ്ച നടത്തിയിരുന്നു.