ഉത്തർപ്രദേശിൽ ഇന്ത്യ മുന്നണിയുടെ തേരോട്ടം. കേന്ദ്ര മന്ത്രിമാരെയും സംസ്ഥാന മന്ത്രിയെയും പിന്നിലാക്കിയാണ് സമാജ്വാദി പാർട്ടിയും കോൺഗ്രസും യുപിയിൽ കുതിക്കുന്നത്. കേന്ദ്രമന്ത്രിയായ സ്മൃതി ഇറാനി അമേഠിയിൽ പിന്നിലാണ്. ഖേരി മണ്ഡലത്തിൽ കേന്ദ്ര സഹമന്ത്രിയായ അജയ് കുമാർ മിശ്ര പിന്നിലാണ്. മോഹൻലാൽഗഞ്ചിൽ കേന്ദ്രമന്ത്രിയായ കൗശൽ കിഷോറും പിന്നിലാണ്.
യുപി മന്ത്രി ജൈവീർ സിംഗും എംഎൽഎസി സാകേത് മിശ്രയും പിന്നിലാണ്. യുപിയിൽ 36 സീറ്റിലാണ് അഖിലേഷ് യാദവിന്റെ സമാജ്വാദി പാർട്ടി മുന്നിൽ. ഏഴ് സെറ്റിൽ കോൺഗ്രസും മുന്നിലാണ്. ബിജെപി 33 സീറ്റിൽ മാത്രമാണ് മുന്നിലുള്ളത്.