ഹമാസിന്റെ മാതൃകയില് ഇന്ത്യയെ ആക്രമിക്കുമെന്ന് ഖലിസ്ഥാന് ഭീകരന് ഗുര്പത്വന്ത് സിങ് പന്നുന്. ഇസ്രയേല് പലസ്തീന് സംഘര്ഷത്തില്നിന്ന് ഇന്ത്യ പാഠം പഠിച്ചില്ലെങ്കില് ഇതിനു സമാനമായ സാഹചര്യത്തെ ഇന്ത്യ നേരിടുമെന്ന് അദേഹം പുറത്തുവിട്ട വീഡിയോയില് പറയുന്നു. ഹര്ദീപ് സിങ് നിജ്ജാറിന്റെ കൊലപാതകത്തില് പ്രതികാരം ചെയ്യുമെന്നും അദേഹം വെല്ലുവിളിച്ചു.
പഞ്ചാബിനെ കൈയടക്കാനാണ് ഇന്ത്യയുടെ ശ്രമമെങ്കില് അതിനു മറുപടി ഉണ്ടാകും. കലാപത്തെ, കലാപം കൊണ്ടു തന്നെ നേരിടും. അതിന് ഇന്ത്യയും പ്രധാനമന്ത്രി നരേന്ദ്ര മോദിയുമാകും ഉത്തരവാദി. പഞ്ചാബിനെ തിരഞ്ഞെടുപ്പിലൂടെ മോചിപ്പിക്കും. പഞ്ചാബിന് മോചനം ഉണ്ടാകും. ഏതു തിരഞ്ഞെടുക്കണമെന്ന് ഇന്ത്യയ്ക്കു തീരുമാനിക്കാം ബാലറ്റോ ബുള്ളറ്റോയെന്നും അദേഹം വെല്ലുവിളിച്ചു. പഞ്ചാബില് രാജ്യദ്രോഹവുമായി ബന്ധപ്പെട്ട മൂന്നു കേസുകളിലടക്കം 22 ക്രിമിനല് കേസുകളിലും പ്രതിയാണ് ഇയാള്.
നിരോധിത സംഘടനയായ സിഖ്സ് ഫോര് ജസ്റ്റിസിന്റെ (എസ്എഫ്ജെ) മേധാവിയാണ് പന്നുന്. സിഖ്സ് ഫോര് ജസ്റ്റിസ് എന്ന സംഘടനയുടെ സ്ഥാപക അധ്യക്ഷനാണ് അമൃത്സറില് ജനിച്ച ഗുര്പത്വന്ത് സിങ് പന്നുന്. 2020ല് ഇന്ത്യ പന്നുനിനെ ഭീകരുടെ പട്ടികയില് ഉള്പ്പെടുത്തിയിരുന്നു.