മധ്യപ്രദേശില് വിവാദ പ്രസ്താവനയുമായി ബിജെപി നേതാവ്. നവരാത്രി ആഘോഷങ്ങളില് പങ്കെടുക്കുന്ന ഹിന്ദുക്കള് നിര്ബന്ധമായും ഗോമൂത്രം കുടിക്കണമെന്നാണ് ബിജെപി നേതാവ് ചിന്തു വര്മ്മ ആവശ്യപ്പെടുന്നത്. ഇന്ഡോറിലെ ബിജെപിയുടെ ജില്ല അധ്യക്ഷനാണ് ചിന്തു വര്മ്മ. ഹിന്ദുക്കള്ക്ക് ഗോമൂത്രം കുടിക്കാന് എതിര്പ്പുണ്ടാകില്ലെന്നും ചിന്തു പറഞ്ഞു.
നവരാത്രി ആഘോഷങ്ങളുടെ ഭാഗമായി ഗര്ബ പന്തലില് പ്രവേശിക്കുന്നതിന് മുന്പ് ആളുകള് ഗോമൂത്രം കുടിക്കണമെന്നാണ് ബിജെപി നേതാവിന്റെ ആഹ്വാനം. പന്തലിലേക്ക് പ്രവേശിക്കുന്നതിന് മുന്പ് ഗോമൂത്രം കുടിപ്പിക്കണമെന്ന് നവരാത്രി ഉത്സവത്തിന്റെ സംഘാടകരോട് ചിന്തു അഭ്യര്ത്ഥിക്കുകയും ചെയ്തു.
ഹിന്ദുക്കളാണെങ്കില് അവര്ക്ക് ഗോമൂത്രം കുടിക്കുന്നതില് എതിര്പ്പുണ്ടാകില്ലെന്നും ചിന്തു കൂട്ടിച്ചേര്ത്തു. ചിലര് ഇത്തരം പരിപാടികളില് അനാവശ്യമായി ചേരാറുണ്ട്. ഇത് പല വിവാദങ്ങള്ക്കും വഴി വയ്ക്കും. ഒരാളുടെ ആധാര് കാര്ഡ് തിരുത്താന് സാധിക്കും. എന്നാല് ഒരാള് യഥാര്ത്ഥ ഹിന്ദു ആണെങ്കില് അയാള് യാതൊരു മടിയും കൂടാതെ ഗോമൂത്രം കുടിക്കുമെന്നും ചിന്തു പറഞ്ഞു.