പീഡന പരാതിയില ജെഡിഎസ് നേതാവും എംഎല്എയുമായ എച്ച് ഡി രേവണ്ണയെ പോലീസ് കസ്റ്റഡിയിലെടുത്തു. വീട്ടുജോലിക്കാരിയെ പീഡിപ്പിച്ചെന്ന പരാതിയിലാണ് പൊലീസ് നടപടി. പീഡന പരാതിയില് രേവണ്ണയുടെ മുന്കൂര് ജാമ്യാപേക്ഷ കഴിഞ്ഞ ദിവസം കോടതി തള്ളിയിരുന്നു. പിതാവും മുന് പ്രധാനമന്ത്രിയുമായ എച്ച്ഡി ദേവഗൗഡയുടെ പത്മനാഭ നഗറിലെ വീട്ടില്നിന്നാണ് രേവണ്ണയെ പൊലീസ് കസ്റ്റഡിയിലെടുത്തത്.
രേവണ്ണയോട് കഴിഞ്ഞ ദിവസം ചോദ്യം ചെയ്യലിനു ഹാജരാകാന് പൊലീസ് നിര്ദേശിച്ചിരുന്നെങ്കിലും എത്തിയിരുന്നില്ല. തുടര്ന്ന് പൊലീസ് ലുക്കൗട്ട് നോട്ടീസ് പുറപ്പെടുവിക്കുകയായിരുന്നു. ഇന്നലെ വൈകിട്ടോടെയാണ് പൊലീസ് എംഎല്എയെ അറസ്റ്റ് ചെയ്തത്.