ഉന്നാവൊ പീഡനക്കേസില് പ്രതിയായ മുന് ബി.ജെ.പി എം.എല്.എ കുല്ദീപ് സിംഗ് സെങ്കാറിന് മേല് ഡല്ഹി കോടതി പോസ്കോ ചുമത്തി.സമ്മര്ദ്ദത്തെ തുടര്ന്ന് ബി.ജെ.പിയില് നിന്ന് ഇദ്ദേഹത്തെ പുറത്താക്കിയിരുന്നു.
പ്രായപൂര്ത്തിയാകാത്ത പെണ്കുട്ടിയെ തട്ടിക്കൊണ്ട് പോവാന് ശ്രമിച്ചതിനെതിരെ സെങ്കാറിന്റെ കൂട്ടാളി ശശി സിംഗിനെതിരെയും ഡല്ഹി തീസ് ഹസാരി കോടതി കുറ്റം ചുമത്തിയിട്ടുണ്ട്. ഐപിസി സെക്ഷന് 120b,363,366,109,376 എന്നീ വകുപ്പുകളിലും കുല് സിംഗ് സെങ്കാറിനെതിരെ കുറ്റം ചുമത്തിയിട്ടുണ്ട്.
സുപ്രീം കോടതി ഉത്തരവിനെ തുടര്ന്നാണ് ഉത്തര്പ്രദേശില് നിന്ന് ഡല്ഹി കോടതിയിലേക്ക് ഉന്നാവോ പീഡന കേസ് മാറ്റിയത്. തീസ് ഹസാരി കോടതിയാണ് കേസില് ദിവസേനയുള്ള വിചാരണ നടത്തുന്നത്.