കള്ളപ്പണം വെളുപ്പിക്കല് കേസില് തമിഴ്നാട് എക്സൈസ് മന്ത്രി സെന്തില് ബാലാജിയുടെ വീട്ടിലും സ്ഥാപനങ്ങളിലും എന്ഫോഴ്സ്മെന്റ് ഡയറക്ടറേറ്റ് (ഇ ഡി) റെയിഡ്. മദ്യവില്പ്പനയില് കുത്തകയുള്ള തമിഴ്നാട് സ്റ്റേറ്റ് മാര്ക്കറ്റിങ് കോര്പ്പറേഷനിലെ ക്രമക്കേടുകളിലാണ് റെയിഡ്. സെന്തില് ബാലാജിക്ക് ബന്ധമുള്ള സ്ഥലങ്ങളിലും പരിശോധനയുണ്ട്.
കരൂരിലും മറ്റ് സ്ഥലങ്ങളിലുമായി 10 സ്ഥലങ്ങളില് ഇഡി സംഘങ്ങള് തെരച്ചില് നടത്തിവരികയായിരുന്നു.
സിആര്പിഎഫ് സേനാംഗങ്ങള് ഇഡി ഉദ്യോഗസ്ഥരെ അനുഗമിച്ചു. സംസ്ഥാന ഗതാഗത വകുപ്പിലെ നിയമനത്തിലെ ക്രമക്കേടുകളുമായി ബന്ധപ്പെട്ട മറ്റൊരു കള്ളപ്പണം വെളുപ്പിക്കല് കേസില് 2024 സെപ്റ്റംബറില് സുപ്രീം കോടതി ബാലാജിക്ക് ജാമ്യം നല്കിയിരുന്നു. ജാമ്യം ലഭിച്ച് മൂന്നു ദിവസത്തിനുള്ളില് ബാലാജിയെ വൈദ്യുതി, മദ്യനിരോധന, എക്സൈസ് മന്ത്രിയായി സ്റ്റാലിന് സര്ക്കാര് പുനഃനിയമിച്ചു.