ജെറ്റ് എയർവേയ്സ് സ്ഥാപകനായ നരേഷ് ഗോയലിന്റെ വസതിയിലും ഡൽഹിയിലും മുംബൈയിലുമുള്ള ഔദ്യോഗിക സ്ഥാപനങ്ങളിലും എൻഫോഴ്സ്മെന്റ് ഡയറക്ടറേറ്റ് (ഇ.ഡി) തെരച്ചിൽ തുടരുകയാണെന്ന് അധികൃതർ അറിയിച്ചു.
ഫെഡറൽ ഏജൻസി അന്വേഷിക്കുന്ന എയർലൈൻസ് ലോയൽറ്റി പ്രോഗ്രാമിലെ വിദേശ നിക്ഷേപവുമായി ബന്ധപ്പെട്ടാണ് റെയ്ഡുകൾ നടക്കുന്നതെന്ന് അധികൃതർ കൂട്ടിച്ചേർത്തു.
മെയ് മാസം തുടക്കത്തിൽ, പ്രവർത്തനം നിലച്ച ജെറ്റ് എയർവേയ്സിന്റെ മുതിർന്ന എക്സിക്യൂട്ടീവുകളെ ഏജൻസി ചോദ്യം ചെയ്തിരുന്നു. ജെറ്റ് എയർവെയ്സ് (ഇന്ത്യ) ലിമിറ്റഡിന്റെ പതിവ് ഫ്ലയർ പ്രോഗ്രാം ജെറ്റ് പ്രിവിലേജ് പ്രൈവറ്റ് ലിമിറ്റഡിലെ (ജെപിപിഎൽ) സ്ട്രാറ്റജിക് പങ്കാളിയായ ഇത്തിഹാദ് എയർവേയ്സ് പിജെഎസ്സിയുമായി ഏർപ്പെട്ട 150 മില്യൺ ഡോളറിന്റെ (900 കോടിയിലധികം രൂപ) കരാറാണ് ഏജൻസി അന്വേഷിക്കുന്നത്.