കർണാടക ശിവമോഗയിൽ ക്വാറിയിൽ സ്‌ഫോടകവസ്തു കയറ്റിയ ട്രക്ക് പൊട്ടിത്തെറിച്ചുണ്ടായ സ്‌ഫോടനത്തിൽ എട്ടു മരണം. ബിഹാർ സ്വദേശികളായ തൊഴിലാളികളാണ് മരിച്ചതെന്നാണ് സൂചന.
മൃതദേഹങ്ങൾ ചിന്നിച്ചിതറി. ഭൂചനത്തിന് സമാനമായ പ്രകമ്പനമാണ് അനുഭവപ്പെട്ടത്. പൊട്ടിത്തെറിയുടെ പ്രകമ്പനം നാല് ജില്ലകളിൽ അനുഭവപ്പെട്ടു. എന്നാൽ പിന്നീടാണ് സ്ഫോടനത്തിന്റെ പ്രകമ്പനമാണ് അനുഭവപ്പെട്ടത് എന്ന് മനസിലായത്.
മരണസംഖ്യ ഇനിയും ഉയരാനാണ് സാദ്ധ്യത. വ്യാഴാഴ്ച രാത്രി 10.20നാണ് സംഭവം. റെയിൽവേ ക്രഷർ യൂണിറ്റിലേക്ക് സ്ഫോടകവസ്തുക്കളുമായി എത്തിയ ട്രക്കാണ് പൊട്ടിത്തെറിച്ചത്.
15 കിലോമീറ്റർ ചുറ്റളവിലുള്ള കെട്ടിടങ്ങൾക്ക് വരെ നാശനഷ്ടമുണ്ടായി. നിരവധി വീടുകൾക്ക് കേടുപാടുകളും സംഭവിച്ചു. രക്ഷാപ്രവർത്തനം തുടരുകയാണെന്നും സംഭവത്തിൽ അന്വേഷണം പ്രഖ്യാപിച്ചെന്നും അഡീഷണൽ ഡെപ്യൂട്ടി കമ്മീഷണർ അനുരാധ അറിയിച്ചു.