തമിഴ്‌നാട്ടില്‍ അപ്രഖ്യാപിത അടിയന്തരാവസ്ഥ ആണെന്ന് വിമര്‍ശിച്ച് സിപിഎം സംസ്ഥാന സെക്രട്ടറി കെ. ബാലകൃഷ്ണന്‍. സ്റ്റാലിന്‍ സര്‍ക്കാരിന്റെ കര്‍ഷകര്‍ക്കും തൊഴിലാളികള്‍ക്കുമെതിരായ സര്‍ക്കാരിന്റെ നീക്കം തടയുമെന്നും സിപിഎം വ്യക്തമാക്കി.
തമിഴ്‌നാട്ടില്‍ ഡിഎംകെയുടെ സഖ്യകക്ഷിയാണ് സിപിഎം. പ്രതിഷേധങ്ങള്‍ക്കും സമരത്തിനും തമിഴ്നാട് പോലീസ് അനുമതി നിഷേധിക്കുന്നതിലാണ് അദ്ദേഹം വിമര്‍ശനം ഉന്നയിച്ചത്. സിപിഎം സംസ്ഥാന സമ്മേളനത്തിലെ ഉദ്ഘാടന യോഗത്തിലായിരുന്നു ബാലകൃഷ്ണന്‍ സ്റ്റാലിനെതിരെ രൂക്ഷ വിമര്‍ശനം ഉയര്‍ത്തിയത്.
