പുതിയ തന്ത്രങ്ങള്‍ ആവിഷ്‌കരിക്കാന്‍ കോണ്‍ഗ്രസ്; പാര്‍ട്ടിയെ പുനരുജ്ജീവിപ്പിക്കാന്‍ നിര്‍ദ്ദേശങ്ങളുമായി പ്രശാന്ത് കിഷോര്‍

തിരഞ്ഞെടുപ്പ് തന്ത്രജ്ഞനായ പ്രശാന്ത് കിഷോര്‍ ഉടന്‍ കോണ്‍ഗ്രസില്‍ ചേര്‍ന്നേക്കുമെന്ന് സൂചന. സോണിയ ഗാന്ധിയുമായുള്ള കൂടിക്കാഴ്ചയ്ക്ക് ശേഷം ഇക്കാര്യത്തില്‍ അന്തിമ തീരുമാനം ഉണ്ടാകും. ലോക്‌സഭാ തിരഞ്ഞെടുപ്പിന് രണ്ട് വര്‍ഷം മാത്രം ബാക്കി നില്‍ക്കെ പുതിയ തന്ത്രങ്ങള്‍ ആവിഷ്‌കരിച്ച് നടപ്പിലാക്കാന്‍ ഒരുങ്ങുകയാണ് കോണ്‍ഗ്രസ്.

2024ലെ പൊതു തിരഞ്ഞെടുപ്പിലും സംസ്ഥാന തിരഞ്ഞെടുപ്പുകളിലും വിജയിക്കാനുള്ള പുനരുജ്ജീവന പദ്ധതികള്‍ അടങ്ങിയ രൂപരേഖ പ്രശാന്ത് കിഷോര്‍ സോണിയ ഗാന്ധിയും, രാഹുല്‍ ഗാന്ധിയും പ്രിയങ്ക ഗാന്ധിയുമായി നടത്തിയ കൂടിക്കാഴ്ചയില്‍ അവതരിപ്പിച്ചിരുന്നു.

പ്രശാന്ത് മുന്നോട്ട് വച്ചിരിക്കുന്ന നിര്‍ദ്ദേശങ്ങള്‍ കോണ്‍ഗ്രസ് നേതാക്കള്‍ പരിശോധിക്കുകയാണ്. പദ്ധതിയെക്കുറിച്ചും പ്രശാന്ത് കിഷോര്‍ കോണ്‍ഗ്രസില്‍ ചേരുന്നതിനെക്കുറിച്ചും നേതാക്കളോട് അഭിപ്രായം തേടിയിട്ടുണ്ട്. പ്രശാന്ത് കിഷോറിന്റെ കോണ്‍ഗ്രസ് 2.0 പ്ലാന്‍ ഇതുവരെ വെളിപ്പെടുത്തിയിട്ടില്ല.

അതേസമയം 1984 മുതല്‍ 2019 വരെയുള്ള കോണ്‍ഗ്രസ് പാര്‍ട്ടിയുടെ വലിയ തകര്‍ച്ചയുടെ കാരണങ്ങള്‍ പട്ടികപ്പെടുത്തി കഴിഞ്ഞ വര്‍ഷം പ്രശാന്ത് കിഷോറര്‍ ഗാന്ധിമാര്‍ക്ക് മുന്നില്‍ അവതരിപ്പിച്ച പദ്ധതിയുടെ വിശദാംശങ്ങല്‍ എന്‍ഡിടിവി പുറത്ത് വിട്ടിട്ടുണ്ട്. 2024ലെ വിജയം ലക്ഷ്യം വച്ചുള്ള പദ്ധതികളാണ് അവതരിപ്പിച്ചത്. നേതാക്കളുടെ പ്രവര്‍ത്തനപരിചയവും പാരമ്പര്യവും മുതലാക്കുന്നതില്‍ കോണ്‍ഗ്രസിനു വീഴ്ച പറ്റിയെന്ന് അതില്‍ പറയുന്നു.

സംഘടനാ ദൗര്‍ബല്യവും, ജനങ്ങളുമായുള്ള ബന്ധമില്ലായ്മയും പരാജയങ്ങള്‍ക്ക് കാരണമായിട്ടുണ്ട്. കോണ്‍ഗ്രസിനെ പുനരുജ്ജീവിപ്പിക്കുന്നതിനായി നേതൃത്വം പാര്‍ട്ടിയെ പുനര്‍നിര്‍മ്മിക്കുകയും ജനാധിപത്യവല്‍ക്കരിക്കുകയും ചെയ്യേണ്ടതുണ്ടെന്നാണ് പ്രശാന്ത് നല്‍കിയ നിര്‍ദ്ദേശം.

കോണ്‍ഗ്രസ് അധ്യക്ഷയായി സോണിയ ഗാന്ധിയെയും വര്‍ക്കിങ് പ്രസിഡന്റോ വൈസ് പ്രസിഡന്റോ ആയി ഗാന്ധി ഇതര ആളെയും വയ്ക്കണം. പാര്‍ലമെന്ററി ബോര്‍ഡ് ചീഫായി രാഹുല്‍ ഗാന്ധിയെയും നിര്‍ദ്ദേശിച്ചിട്ടുണ്ട്.

‘കോണ്‍ഗ്രസ് നേതൃത്വത്തിന്റെ നിര്‍ദ്ദേശപ്രകാരം ഫലപ്രദമായി പ്രവര്‍ത്തിക്കാന്‍ കഴിയുന്ന ഒരു ഗാന്ധിയല്ലാത്ത വര്‍ക്കിംഗ് പ്രസിഡന്റ്/വൈസ് പ്രസിഡന്റിന്റെ ആവശ്യമുണ്ട്,’ പ്രശാന്ത് റിപ്പോര്‍ട്ടില്‍ പറയുന്നു. നിയമസഭാ തിരഞ്ഞെടുപ്പുകളില്‍ 17 സംസ്ഥാനങ്ങളിലായുള്ള 358 സീറ്റുകളില്‍ കോണ്‍ഗ്രസ് ഒറ്റയ്ക്ക് മത്സരിക്കണമെന്നാണ് നിര്‍ദ്ദേശം. പശ്ചിമ ബംഗാള്‍, മഹാരാഷ്ട്ര, ജാര്‍ഖണ്ഡ്, ആന്ധ്രാ, തമിഴ്‌നാട് സംസ്ഥാനങ്ങളില്‍ സഖ്യങ്ങളുടെ ഭാഗമായി 168 നിയമസഭ മണ്ഡലങ്ങളിലും മത്സരിക്കണം.

സഖ്യങ്ങളിലെ ആശയക്കുഴപ്പം പരിഹരിക്കണം. സ്വജനപക്ഷപാതത്തെ പ്രതിരോധിക്കാന്‍ ‘ഒരു കുടുംബം, ഒരു ടിക്കറ്റ്’ എന്ന രീതിയിലേക്ക് മാറണം. കോണ്‍ഗ്രസ് പ്രസിഡന്റും കോണ്‍ഗ്രസ് വര്‍ക്കിംഗ് കമ്മിറ്റിയും ഉള്‍പ്പെടെ എല്ലാ സ്ഥാനങ്ങള്‍ക്കും നിശ്ചിത കാലാവധി വയ്ക്കണം. 15,000 താഴേത്തട്ടിലുള്ള നേതാക്കളെ തിരിച്ചറിയണം. രാജ്യത്തുടനീളം 1 കോടി അംഗങ്ങളെ സജീവ പ്രവര്‍ത്തകരാക്കണം. ഡിജിറ്റല്‍ ശൃംഖലകള്‍ ഉള്‍പ്പടെ ശക്തിപ്പെടുത്തി പാര്‍ട്ടിയെ വിജയത്തിലേക്ക് നയിക്കുന്ന തരം പദ്ധതികളാണ് ആവിഷ്‌കരിച്ചിരിക്കുന്നത്.

Latest Stories

വിവാഹ സല്‍ക്കാരത്തിന് ശേഷം ബിരിയാണിക്കൊപ്പം സാലഡ് കിട്ടിയില്ല; കേറ്ററിംഗ് തൊഴിലാളികള്‍ തമ്മില്‍ കൂട്ടയടി; നാലു പേരുടെ തല തൊട്ടിക്കടിച്ച് പൊട്ടിച്ചു

ഹൈക്കോടതി വിധി ഗവര്‍ണറുടെ ധിക്കാരത്തിനുള്ള തിരിച്ചടി; ഫെഡറല്‍ തത്വങ്ങളെ ഉയര്‍ത്തിപ്പിടിക്കുന്നു; കേന്ദ്ര സര്‍ക്കാരിനുള്ള ശക്തമായ താക്കീതെന്നും സിപിഎം

കേരളത്തില്‍ മാറ്റത്തിനുള്ള സമയമായി; ദുര്‍ഭരണത്തിന്റെ വാര്‍ഷികം ആഘോഷിക്കാന്‍ കോടികള്‍ ചെലവഴിക്കുന്നു; ബിന്ദുവിന് നീതി വേണം; അപമാനിച്ച പൊലീസുകാര്‍ക്കെതിരെ നടപടി വേണമെന്ന് ബിജെപി

കേന്ദ്രസര്‍ക്കാറിന്റെ ഭാഷയില്‍ സുപ്രീംകോടതിയും സംസാരിക്കുന്നു; റോഹിങ്ക്യകളെ ഇന്ത്യ മ്യാന്മാര്‍ കടലില്‍ ഇറക്കി വിട്ടത് ഞെട്ടിച്ചു; ആഞ്ഞടിച്ച് പ്രശാന്ത് ഭൂഷണ്‍

ഭീകരവാദവും ഭിക്ഷാടനവും, മുന്‍പന്തിയില്‍ പാകിസ്ഥാന്‍ തന്നെ; പാക് പൗരന്മാര്‍ക്ക് ഇനി യുഎഇയില്‍ വിസ ലഭിക്കുക അതികഠിനം; പാക് ഭിക്ഷാടകരുടെ കണക്കുകള്‍ പുറത്ത്

തുര്‍ക്കി ഫാഷന്‍ ഇന്ത്യയില്‍ വേണ്ട; വസ്ത്രങ്ങളിലും തിരിച്ചടി നല്‍കി ഇന്ത്യന്‍ കമ്പനികള്‍; മിന്ത്ര-അജിയോ സൈറ്റുകള്‍ തുര്‍ക്കി ഉത്പന്നങ്ങള്‍ ഒഴിവാക്കി

LSG VS SRH: നിന്റെ ശമ്പളം മറന്നേക്ക്, തോൽവിക്ക് ഞാൻ എന്തിന് പൈസ തരണം; വീണ്ടും ഫൊപ്പായി ഋഷഭ് പന്ത്

പാലക്കാട് വീണ്ടും കാട്ടാന ആക്രമണം; ടാപ്പിംഗ് തൊഴിലാളിയ്ക്ക് ദാരുണാന്ത്യം

LSG VS SRH: വണ്ടിയിൽ കൊള്ളിക്കാതെടാ, പന്ത് വാവ ഉണ്ടാക്കുന്ന ചിലവ് തന്നെ സഹിക്കാൻ വയ്യ; ലക്‌നൗവിന് ഗംഭീര തുടക്കം

പ്രതിനിധി സംഘത്തിനൊപ്പം ആദ്യം പോകുന്നത് ഗയാനയിലേക്ക്; ഒടുവില്‍ അമേരിക്കയിലേക്ക്, പ്രതികരണവുമായി ശശി തരൂര്‍