ചന്ദ്രയാന് 2ന്റെ പുതിയ വിക്ഷേപണ തിയതി ഐ.എസ്.ആര്.ഒ പ്രഖ്യാപിച്ചു. തിങ്കളാഴ്ച ഉച്ചയ്ക്കു ശേഷം 2.43-ന് വിക്ഷേപണം നടത്താനാണ് തീരുമാനം. ശ്രീഹരിക്കോട്ടയിലെ സതീഷ് ധവാന് സ്പേസ് സെന്ററില് നിന്നാണ് വിക്ഷേപണം.
ജൂലൈ 15-ന് പുലര്ച്ചെ 2.51-ന് ആയിരുന്നു വിക്ഷേപണം നടത്താന് തീരുമാനിച്ചിരുന്നത്. എന്നാല്, സാങ്കേതികത്തകരാര് മൂലം 56 മിനിറ്റും 24 സെക്കന്ഡും ബാക്കി നില്ക്കേ വിക്ഷേപണം മാറ്റിവെയ്ക്കുകയായിരുന്നു. വിക്ഷേപണ വാഹനമായ ജി.എസ്.എല്.വി മാര്ക് 3- ലെ ഇന്ധന ടാങ്കില് ചോര്ച്ച കണ്ടെത്തിയതിനെ തുടര്ന്നായിരുന്നു ദൗത്യം മാറ്റിവെച്ചത്.