അനിശ്ചിതത്വങ്ങള്ക്കൊടുവില് സിബിഎസ്ഇ പ്ലസ് ടു ഫലം പ്രഖ്യാപിച്ചു. 92.71 ശതമാനം വിദ്യാര്ത്ഥികള് ഉപരിപഠനത്തിന് അര്ഹരായി. ഏറ്റവും കൂടുതല് വിജയ ശതമാനം തിരുവനന്തപുരം മേഖലയിലാണ്. 98.83 ശതമാനം. 94.54 ശതമാനം പെണ്കുട്ടികള് ഉപരിപഠനത്തിന് അര്ഹത നേടി.
ട്രാന്ജെന്ഡര് വിഭാഗത്തില് നൂറ് ശതമാനം വിജയം. cbse.nic.in എന്ന സെറ്റില് ഫലം ലഭ്യമാകും. ഏറെ വിവാദവും ആശങ്കയുമുണ്ടാക്കിയ പത്താം ക്ലാസ് പരീക്ഷ ഫലവും ഇന്ന് പ്രഖ്യാപിക്കും. ഉച്ചക്ക് രണ്ട് മണിയോടെ ഫലപ്രഖ്യാപനമുണ്ടാകുമെന്നാണ് വിവരം.