മോസ്കോ-ഗോവ ചാര്ട്ടേര്ഡ് വിമാനത്തിലെ ബോംബ് ഭീഷണി വ്യാജം. ബോംബ് സ്ക്വാഡ് നടത്തിയ പരിശോധനയില് സ്ഫോടകവസ്തുക്കള് ഒന്നും കണ്ടെത്തിയില്ല.
യാത്രക്കാരുടെ ബാഗേജുകളും പരിശോധിച്ചു. ഭീഷണിയെ തുടര്ന്നു ഗുജറാത്തിലെ ജാംനഗറില് വിമാനം ഇറക്കിയിരുന്നു.
യാത്ര പുറപ്പെട്ട ശേഷം എയര് ട്രാഫിക് കണ്ട്രോളിനാണ് ഭീഷണി സന്ദേശം ലഭിച്ചത്. ഉടന് വിമാനം ജാംനഗര് വിമാനത്താവളത്തിലേക്ക് തിരിച്ചുവിടുകയായിരുന്നു. തുടര്ന്നു തിങ്കളാഴ്ച രാത്രി 9.49ന് വിമാനം സുരക്ഷിതമായി ജാംനഗര് വിമാനത്താവളത്തില് ഇറക്കുകയായിരുന്നു.
ഇന്ന് രാവിലെ പത്തരയോടെ വിമാനം ഗോവയ്ക്ക് തിരിക്കും. 236 യാത്രക്കാരും എട്ടു ജീവനക്കാരുമാണ് വിമാനത്തിലുള്ളത്.
റഷ്യന് നടന് ഓസ്കര് കുച്ചേരയും വിമാനത്തിലുണ്ട്. യാത്രക്കാര് എല്ലാവരും സുരക്ഷിതരാണെന്ന് അധികൃതര് അറിയിച്ചു.