ജയിലനുള്ളില് ബോംബ് സ്ഫോടനം. അമരാവതി സെന്ട്രല് ജയിലില് ഇന്നലെ രാത്രിയാണ് ഉഗ്ര സ്ഫോടനമുണ്ടായത്. സംഭവത്തില് ആളപായമില്ലെന്ന് ജയില് അധികൃതര് പറയുന്നു. രാത്രിയോടെ ഉഗ്ര ശബ്ദം കേട്ട് സുരക്ഷ ഉദ്യോഗസ്ഥര് നടത്തിയ പരിശോധനയിലാണ് നടന്നത് ബോംബ് സ്ഫോടനമാണെന്ന് തിരിച്ചറിഞ്ഞത്.
ജയില് അടുക്കളയ്ക്ക് സമീപമായിരുന്നു സ്ഫോടനം നടന്നത്. എന്നാല് ജയിലിനുള്ളില് എങ്ങനെ ബോംബ് എത്തിയെന്ന കാര്യത്തില് വ്യക്തതയില്ല. ജയിലിനുള്ളില് ബോംബ് നിര്മ്മിച്ചതാണോ എന്നും സംശയിക്കുന്നുണ്ട്. സ്ഫോടനം നടന്ന സ്ഥലത്ത് ബോംബ് സ്ക്വാഡ് പരിശോധന നടത്തുന്നുണ്ട്.
സ്ഫോടനം സംഭവിച്ച സ്ഥലത്തിന് പുറമേ മുഴുവന് ജയിലിലും പരിശോധന തുടരുകയാണ്. പ്ലാസ്റ്റിക് പന്തിന്റെ രൂപത്തിലുള്ളതായിരുന്നു ബോംബ്. സംഭവത്തില് വിശദമായ അന്വേഷണം ആരംഭിച്ചിട്ടുണ്ട്. സിസിടിവി ക്യാമറകള് ഉള്പ്പെടെ പരിശോധിച്ച് വരുന്നതായി അമരാവതി പൊലീസ് കമ്മീഷണര് അറിയിച്ചു.