ക്രിസ്ത്യൻ സമുദായവുമായി അടുപ്പം സ്ഥാപിക്കണമെന്നും കേരളത്തിലെ ബി.ജെ.പി. ഘടകത്തിന് പ്രധാനമന്ത്രിയുടെ നിർദേശം. എൻ.ഡി.എ. സഖ്യം വിപുലീകരിക്കുന്നതിൽ കടുംപിടിത്തം ഉപേക്ഷിക്കണം. ക്രിസ്ത്യൻ സമുദായത്തിന്റെ വിശ്വാസം നേടുകയും അവരുടെ പിന്തുണ ഉറപ്പാക്കുകയും വേണമെന്ന് പ്രധാനമന്ത്രി പറഞ്ഞു. ഞായറാഴ്ച വൈകീട്ട് ദേശീയ ജനറൽ സെക്രട്ടറിമാരുമായി നടത്തിയ കൂടിക്കാഴ്ചയിലാണ് മോദിയുടെ നിർദേശം.
കേരളത്തിൽ ഹിന്ദു ഇതര സമുദായങ്ങളോട് അടുപ്പം സ്ഥാപിക്കണം. ക്രിസ്ത്യൻ വിഭാഗങ്ങൾക്ക് ബി.ജെ.പി.യോട് അടുക്കാൻ തടസ്സങ്ങളൊന്നും കാണുന്നില്ലെന്നും അദ്ദേഹം അഭിപ്രായപ്പെട്ടു.
രണ്ടുദിവസത്തെ യോഗത്തിനുശേഷമാണ് ജനറൽ സെക്രട്ടറിമാർ ദേശീയ അധ്യക്ഷൻ ജെ.പി. നദ്ദയുടെ നേതൃത്വത്തിൽ പ്രധാനമന്ത്രിയെ കണ്ടത്. ചർച്ച അഞ്ചുമണിക്കൂറോളം നീണ്ടു. അഞ്ചു നിയമസഭാതിരഞ്ഞെടുപ്പുകളുടെ ഫലവും അടുത്തവർഷം നിയമസഭാ തിരഞ്ഞെടുപ്പ് നടക്കുന്ന ഉത്തർപ്രദേശ് ഉൾപ്പെടെയുള്ള സംസ്ഥാനങ്ങളിലെ തയ്യാറെടുപ്പുകളും പ്രധാനമന്ത്രി വിലയിരുത്തി.