പ്രധാനമന്ത്രി നരേന്ദ്ര മോദിയെ പ്രകീർത്തിച്ച ശശി തരൂർ എംപിയെ വിമര്ശിച്ച് മുതിര്ന്ന കോണ്ഗ്രസ് നേതാവ് സന്ദീപ് ദീക്ഷിത്. എംപിയായത് കൊണ്ട് മാത്രമാണോ കോണ്ഗ്രസില് തുടരുന്നതെന്ന് സന്ദീപ് ദീക്ഷിത് തരൂരിനോട് ആരാഞ്ഞു. തരൂരിനെ ‘ഹിപ്പോക്രാറ്റ്’ എന്ന് വിളിച്ച സന്ദീപ് അദ്ദേഹത്തിന്റെ രാഷ്ട്രീയ വിശ്വസ്തതയെക്കുറിച്ച് സംശയങ്ങള് ഉണ്ടെന്നും കൂട്ടിച്ചേർത്തു.
തരൂരിന്റെ പരാമര്ശങ്ങള് പാര്ട്ടിയുടെ നിലപാടുമായി പൊരുത്തപ്പെടുന്നില്ലെന്നും കോണ്ഗ്രസ് അടിസ്ഥാനപരമായി എതിര്ക്കുന്ന നയങ്ങളെ പ്രശംസിച്ചതിനാണ് സന്ദീപ്, തരൂരിനെ ‘ഹിപ്പോക്രാറ്റ്’ എന്ന് വിശേഷിപ്പിച്ചത്. രാജ്യത്തെ കുറിച്ച് ശശി തരൂരിന് കാര്യമായി അറിവുണ്ടെന്ന് ഞാന് കരുതുന്നില്ലെന്നും സന്ദീപ് ദീക്ഷിത് പറഞ്ഞതു.
‘നിങ്ങള്ക്ക് കോണ്ഗ്രസിന്റെ നയങ്ങള്ക്കെതിരേ നില്ക്കുന്ന ആരെങ്കിലും രാജ്യത്തിന് വേണ്ടി നല്ലത് ചെയ്യുന്നുവെന്ന തോന്നലുണ്ടെങ്കില് ആ രാഷ്ട്രീയം പിന്തുടരുകയാണ് വേണ്ടത്. അല്ലാതെ എന്തിനാണ് കോണ്ഗ്രസില് തുടരുന്നത്. എം.പിയായത് കൊണ്ട് മാത്രമാണോ?. ബിജെപിയുടെയും പ്രധാനമന്ത്രിയുടെയും നയങ്ങള് സ്വന്തം പാര്ട്ടിയുടെ നയങ്ങളേക്കാള് നല്ലതാണെന്ന് തോന്നുന്നെങ്കില് നിങ്ങള് അക്കാര്യം വിശദീകരിക്കണം, അല്ലെങ്കില് നിങ്ങള് ഒരു ഹിപ്പോക്രാറ്റാണെന്നും സന്ദീപ് പറഞ്ഞു.