മഹാരാഷ്ട്രയിലെ അനധികൃത പബ്ബുകള് ബുള്ഡോസര് ഉപയോഗിച്ച് തകര്ക്കാന് നിര്ദേശം നല്കി മഹാരാഷ്ട്ര മുഖ്യമന്ത്രി ഏകനാഥ് ഷിന്ഡെ. ലഹരിമാഫിയ കുട്ടികളെ അടക്കം ലക്ഷ്യമിടുന്നുവെന്നും വരും തലമുറയെ രക്ഷിക്കാന് ഇത്തരം നടപടികള് ആവശ്യമാണെന്നും അദേഹം പറഞ്ഞു. ലഹരി മാഫിയകളുടെ നട്ടെല്ല് ഒടിക്കുന്ന നടപടികള് ഉണ്ടാകുമെന്ന് അദേഹം പറഞ്ഞു. മുഖ്യമന്ത്രിയുടെ പ്രഖ്യാപനത്തിന് വന് ജനപിന്തുണയാണ് ലഭിച്ചിരിക്കുന്നത്.
പബ്ബുകളായി പ്രവര്ത്തിക്കുന്ന കെട്ടിടനിര്മാണ ചട്ടങ്ങള് ലംഘിച്ച് നിര്മിച്ച എല്ലാ കെട്ടിടങ്ങളും ബുള്ഡോസര് ഉപയോഗിച്ച് തകര്ക്കണം. പൂനയെ ലഹരി വിമുക്ത നഗരമാക്കാന് മയക്കുമരുന്ന് കച്ചവടക്കാര്ക്കെതിരെ നടപടി സ്വീകരിക്കാന് പോലീസിന് നിര്ദ്ദേശം നല്കിയിട്ടുണ്ടെന്നും അദ്ദേഹം വ്യക്തമാക്കി.
പൂനെ നഗരത്തിലെ പബ്ബില് രാത്രി പാര്ട്ടിക്കിടെ പ്രായപൂര്ത്തിയാകാത്തവര് മയക്കുമരുന്ന് ഉപയോഗിക്കുന്നതിന്റെ വീഡിയോ പുറത്തുവന്നതിനു പിന്നാലെയാണ് എക്നാഥ് ഷിന്ഡെ കടുത്ത നടപടി സ്വീകരിക്കാന് നിര്ദേശം നല്കിയത്.
പ്രായപൂര്ത്തിയാകാത്തവര്ക്ക് മയക്കുമരുന്ന് നല്കിയെന്ന് ആരോപിച്ച് കഴിഞ്ഞ ദിവസം പൂനെ പൊലീസ് നഗരത്തിലെ ബാറില് റെയ്ഡ് നടത്തി സീല് ചെയ്തിരുന്നു. സംഭവവുമായി ബന്ധപ്പെട്ട് കൃത്യവിലോപത്തിന് നാല് പൊലീസുകാരെ പുറത്താക്കിയിരുന്നു.