മണിപ്പൂരിൽ വീണ്ടും സംഘർഷം.തെങ്നൗപാൽ ജില്ലയിലാണ് അക്രമം നടന്നത്. വെടിവയ്പ്പിൽ 13 പേർ കൊല്ലപ്പെട്ടതായാണ് റിപ്പോർട്ട്. തെങ്നൗപാൽ ജില്ലയിലെ സൈബോളിന് സമീപമുള്ള ലെയ്തു ഗ്രാമത്തിൽ രണ്ടു സംഘങ്ങൾ തമ്മിലാണ വെടിവയ്പ്പ് നടന്നത്.പ്രദേശത്ത് സുരക്ഷാ സേന നടത്തിയ തിരച്ചിലിലാണ് 13 മൃതദേഹങ്ങൾ കണ്ടെത്തിയത്.
മരിച്ചവരുടെ പേര് വിവരങ്ങൾ ഇതുവരെയും പോലീസ് പുറത്തു വിട്ടിട്ടില്ല. സംഘർഷ പശ്ചാത്തലത്തിൽ ലെയ്തു മേഖലയിൽ സേന സുരക്ഷാ ശക്തമാക്കി. സംഭവത്തിൽ മണിപ്പൂർ പൊലീസ് അന്വേഷണം ആരംഭിച്ചിട്ടുണ്ട്. മരിച്ചവരുടെ പേര് വിവരങ്ങൾ ഇതുവരെയും പോലീസ് പുറത്തു വിട്ടിട്ടില്ല.
മണിപ്പൂരിൽ മെയ് മൂന്നിന് ആരംഭിച്ച സംഘർഷത്തിൽ ഇതാദ്യമായാണ് ഈ മേഖലയിൽ വെടിവെപ്പ് നടന്നത്. അക്രമത്തിന്റെ പശ്ചാത്തലത്തിൽ സംസ്ഥാനത്ത് ഏർപ്പെടുത്തിയിരുന്ന ഇന്റർനെറ്റ് നിരോധനം ഞായറാഴ്ചയാണ് സർക്കാർ ഈ നിരോധനം പിൻവലിച്ചത്.