ഭാര്യയ്ക്ക് അന്യ പുരുഷന്മാരുമായി ബന്ധമുണ്ടെന്ന സംശയത്തില്‍ ഭാര്യയുടെ ജനനേന്ദ്രിയം തുളച്ച് പൂട്ടിട്ട യുവാവ് അറസ്റ്റില്‍. മഹാരാഷ്ട്രയിലെ പിംപ്രി ചിഞ്ച്‌വാഡിലാണ് സംഭവം നടന്നത്. പ്രദേശത്ത് കാവല്‍ക്കാരനായി ജോലി നോക്കുന്ന നേപ്പാളി യുവാവാണ് സംഭവത്തിന് പിന്നാലെ പിടിയിലായത്.
യുവാവിന് ഭാര്യയെ നേരത്തെ തന്നെ സംശയമുണ്ടായിരുന്നു. ഇതിന്റെ പേരില്‍ ഇയാള്‍ ഭാര്യയുമായി നിരന്തരം വഴക്കുണ്ടാക്കിയിരുന്നു. കഴിഞ്ഞ 11ന് ഇയാള്‍ ഭാര്യയുമായി വഴക്കുണ്ടാക്കുകയും യുവതിയെ മര്‍ദ്ദിക്കുകയും ചെയ്തിരുന്നു. തുടര്‍ന്ന് കൈകാലുകള്‍ കെട്ടിയിട്ട ശേഷമായിരുന്നു ക്രൂരത ആരംഭിച്ചത്.
മൂര്‍ച്ചയേറിയ കൂര്‍ത്ത അഗ്രങ്ങളുള്ള ബ്ലേഡിന് സമാനമായ ആയുധം ഉപയോഗിച്ച് ആദ്യം യുവതിയുടെ ജനനേന്ദ്രിയത്തില്‍ മുകളിലും താഴെയുമായി ദ്വാരങ്ങള്‍ ഉണ്ടാക്കി. ദ്വാരങ്ങളിലേക്ക് ഇരുമ്പാണി തിരുകി കയറ്റിയ ശേഷം പിച്ചളയില്‍ തീര്‍ത്ത പൂട്ട് സ്ഥാപിക്കുകയായിരുന്നു. ക്രൂര കൃത്യത്തെ തുടര്‍ന്ന് യുവതിയുടെ അമിത രക്തശ്രാവം ഉണ്ടായിരുന്നു.
നിലവിളി കേട്ട് ഓടിയെത്തിയ അയല്‍ക്കാരാണ് യുവതിയെ ആശുപത്രിയിലെത്തിച്ചത്. ജനനേന്ദ്രിയത്തില്‍ സ്ഥാപിച്ച ആണികളും പൂട്ടും നീക്കം ചെയ്ത് ചികിത്സ ആരംഭിച്ചു. ആശുപത്രിയില്‍ ചികിത്സയിലുള്ള യുവതിയുടെ പരാതിയെ തുടര്‍ന്ന് പൊലീസ് കേസെടുത്തു.
