ഹരിയാന കോണ്ഗ്രസിന് തിരിച്ചടി. എംഎല്എ കുല്ദീപ് ബിഷ്ണോയി ബിജെപിയിലേക്ക് ചേരുന്നതായാണ് അഭ്യൂഹങ്ങള്. കേന്ദ്ര ആഭ്യന്തരമന്ത്രി അമിത്ഷായുമായും ബിജെപി സംസ്ഥാന അധ്യക്ഷന് ജെ.പി. നദ്ദയുമായും അദ്ദേഹം ചര്ച്ച നടത്തി.
ബിജെപിയില് ചേരുന്നത് സംബന്ധിച്ചും ഉടന് പ്രഖ്യാപനം ഉണ്ടായേക്കുമെന്നാണ് സൂചന. രാജ്യസഭാ തിരഞ്ഞെടുപ്പില് നിന്നും വിട്ട് നിന്നതിന് പിന്നാലെ അദ്ദേഹം കോണ്ഗ്രസുമായി അകലുകയായിരുന്നു. എംഎല്എയായ കുല്ദീപ് വോട്ട് ചെയ്യാത്തതിനെ തുടര്ന്നായിരുന്നു രാജ്യസഭ തിരഞ്ഞെടുപ്പില് അജയ് മാക്കന് പരാജയപ്പെട്ടത്.
രാജ്യസഭ തിരഞ്ഞെടുപ്പില് കുല്ദീപ് ബിജെപിക്കാണ് വോട്ട് ചെയ്തതെന്ന് മുഖ്യമന്ത്രി മനോഹര്ലാര് ഖട്ടര് വ്യക്തമാക്കിയിരുന്നു. ഔദ്യോഗിക ഫലപ്രഖ്യാപനം വന്നപ്പോള് കോണ്ഗ്രസ് സ്ഥാനാര്ത്ഥി അജയ് മാക്കന് പരാജയപ്പെടുകയായിരുന്നു. ഇതേ തുടര്ന്ന് കുല്ദീപിനെ കോണ്ഗ്രസില് നിന്ന് പുറത്താക്കി.
കോണ്ഗ്രസ് പ്രവര്ത്തക സമിതിയിലെ പ്രത്യേക ക്ഷണിതാവ് കൂടിയായിരുന്നു കുല്ദീപ് ബിഷ്ണോയ്.