ഇന്ത്യയിൽ കഴിഞ്ഞ 24 മണിക്കൂറിനുള്ളിൽ കോവിഡ്-19 ന്റെ 678 പുതിയ കേസും 33 മരണവു റിപ്പോർട്ട് ചെയ്യപ്പെട്ടിട്ടുണ്ട്. മൊത്തം കേസുകൾ 6,412 ആയി ഉയർന്നപ്പോൾ മരണസംഖ്യ 199 ആയി. 503 പേർ സുഖം പ്രാപിച്ചുവെന്ന് ആരോഗ്യ മന്ത്രാലയത്തെ പ്രതിനിധീകരിച്ച് ലാവ് അഗർവാൾ പറഞ്ഞു.
“ഹൈഡ്രോക്സിക്ലോറോക്വിൻ മരുന്ന് വേണമെന്നുള്ള നിരവധി അഭ്യർത്ഥനകൾ ഇതിനകം തന്നെ ഉണ്ടായിട്ടുണ്ട്. നിരവധി രാജ്യങ്ങൾ ഈ പ്രത്യേക മരുന്നിനായി അഭ്യർത്ഥനകൾ നടത്തിയിട്ടുണ്ട്, ആഭ്യന്തര ആവശ്യങ്ങൾ കണക്കിലെടുക്കുകയും നമ്മുടെ സ്വന്തം ആവശ്യത്തിന് മതിയായ മരുന്ന് സൂക്ഷിക്കുകയും മിച്ചം വരുന്ന മരുന്ന് കയറ്റുമതി ആവശ്യങ്ങൾക്കായി വിട്ടയക്കാൻ ഒരു കൂട്ടം മന്ത്രിമാർ തീരുമാനിച്ചു. ഇത് നടന്നുകൊണ്ടിരിക്കുന്ന പ്രക്രിയയാണ്, ” ആരോഗ്യമന്ത്രലയത്തിന്റെ എ‌എസ് & കോർഡിനേറ്റർ [കോവിഡ്-19] ദമ്മു രവി പറഞ്ഞു.
