പുറത്താക്കപ്പെട്ട എ.ഐ.എ.ഡി.എം.കെ നേതാവും മുൻ തമിഴ്നാട് മുഖ്യമന്ത്രി ജെ.ജയലളിതയുടെ അടുത്ത സഹായിയുമായിരുന്ന വി.കെ ശശികല അഴിമതിക്കേസിൽ നാല് വർഷം ബെംഗളൂരു ജയിലിൽ കഴിഞ്ഞതിന് ശേഷം മോചിതയായി.
കോവിഡിന് ചികിത്സയിൽ കഴിയുന്നതിനാൽ ശശികല നഗരത്തിലെ ഒരു ആശുപത്രിയിൽ തുടരും. ജയിലിലെ ഉദ്യോഗസ്ഥർ ആശുപത്രിയിൽ ഔപചാരികതകൾ പൂർത്തിയാക്കിയ ശേഷം 63 വയസുകാരിയായ വി.കെ ശശികലയെ ബെംഗളൂരുവിലെ പരപ്പണ അഗ്രഹാരയിലെ സെൻട്രൽ ജയിലിൽ നിന്ന് ഔദ്യോഗികമായി മോചിപ്പിച്ചു.
നാലോ അഞ്ചോ ദിവസം കൂടി അവർ വിക്ടോറിയ ആശുപത്രിയിൽ തുടരുമെന്ന് ആശുപത്രി മെഡിക്കൽ സൂപ്രണ്ട് പറഞ്ഞു.