കോഴിക്കോട് ബസിന് മുന്നിലൂടെ അഭ്യാസപ്രകടനം നടത്തി സ്കൂട്ടറോടിച്ച യുവാവിനെതിരെ പൊലീസ് കേസെടുത്തു. ബസിന് മുന്നിൽ തടസം സൃഷ്‌ടിച്ച്‌ സിഗ്‌ സാഗ്‌ (വളഞ്ഞ് പുളഞ്ഞ്) രീതിയിൽ വണ്ടിയോടിച്ചതിന് കല്ലായി സ്വദേശി ഫർഹാനെതിരെ പന്നിയങ്കര പൊലീസാണ് കേസെടുത്തത്.
ഇന്നലെ വൈകിട്ട് കോഴിക്കോട് മീഞ്ചന്ത ബൈപാസിലാണ് സംഭവം. സ്വകാര്യ ബസിന് മുന്നിൽ മീറ്ററുകളോളമാണ് യുവാവ് സ്‌കൂട്ടറുമായി അഭ്യാസ പ്രകടനം നടത്തിയത്.
യുവാവ് മദ്യ ലഹരിയിലായിരുന്നുവെന്ന് പൊലീസ് പറയുന്നു. അതിനാലാണ് ഇത്തരത്തിൽ അഭ്യാസ പ്രകടനം നടത്തിയത്. മറ്റു പ്രശ്നങ്ങൾ യുവാവും ബസ് ഡ്രൈവറും തമ്മിൽ ഇല്ല. യുവവിന്റെ ലൈസൻസ് സസ്പെൻഡ് ചെയ്യാനുള്ള നടപടി ആരംഭിച്ചുവെന്ന് ആർടിഒയും അറിയിച്ചു.
