പൗരത്വ നിയമ ഭേദഗതിക്കെതിരെ അവസാന നിമിഷം വരെ മുസ്ലിം ലീഗ് പോരാടുമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍. ഗതകാലങ്ങളുടെ പുനര്‍വായന പോരാട്ടമാണ് എന്ന പ്രമേയത്തില്‍ കോഴിക്കോട്ട് സംഘടിപ്പിച്ച എം.എസ്.എഫ് സംസ്ഥാന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
കാലം ഏല്പിച്ച ദൗത്യം ലീഗ് നിര്‍വഹിക്കും. ഖാഇദെ മില്ലത്തിന്റെ ദര്‍ശനം ശരിയാണെന്നു കാലം തെളിയിക്കുകയാണ്, ഹൈദരലി ശിഹാബ് തങ്ങളെ ഉദ്ധരിച്ച് “ചന്ദ്രിക” റിപ്പോർട്ട് ചെയ്തു.
പ്രധാനമന്ത്രി മോദിയും കേന്ദ്ര ആഭ്യന്തര മന്ത്രി അമിത് ഷായും തീക്കൊള്ളി കൊണ്ടാണ് തല ചൊറിയുന്നത്. ഈ സമരത്തിന് മുന്നില്‍ ഫാസിസത്തിന് കീഴടങ്ങേണ്ടി വരും. എന്ത് പ്രകോപനം ഉണ്ടായാലും സമാധാനം കൈ വിടരുതെന്നും തങ്ങള്‍ ആവശ്യപ്പെട്ടു.
