സംസ്ഥാനത്ത് വന്യജീവി ആക്രമണങ്ങൾ വർധിക്കുമ്പോൾ വിവാദ പരാമര്ശവുമായി വനംമന്ത്രി എ കെ ശശീന്ദ്രന്. സമൂഹം നിലനില്ക്കുന്നിടത്തോളം കാലം ഉണ്ടാകുന്ന ഒരു പ്രശ്നമല്ലേ വന്യജീവി ആക്രമണമെന്നും ശാശ്വത പരിഹാരമില്ലെന്നും മന്ത്രി പറഞ്ഞു. കാട്ടിലൂടെ പോകാന് അനുവാദം നല്കുകയും വേണം, വന്യമൃഗങ്ങള് ആക്രമിക്കാനും പാടില്ലെന്നത് എങ്ങനെ സാധിക്കുമെന്ന് വനംമന്ത്രി ചോദിച്ചു.
വന്യജീവി ശല്യത്തിന് ശാശ്വതമായ ഒരു പരിഹാരമില്ലെന്നാണ് വനംവകുപ്പ് മന്ത്രിയുടെ വിവാദ പരാമര്ശം. കാട്ടിലൂടെ പോകാന് അനുവാദം നല്കുകയും വേണം, വന്യമൃഗങ്ങള് ആക്രമിക്കാനും പാടില്ലെന്ന് എങ്ങനെ സാധിക്കുമെന്ന് വനംമന്ത്രി ചോദിച്ചു. വന്യമൃഗ ആക്രമണങ്ങളുണ്ടാകുന്നത് വനത്തിലാണെന്നും ജനവാസപ്രദേശങ്ങളിലല്ലെന്നുമുള്ള മുന് നിലപാടില് ഉറച്ചുനില്ക്കുകയാണ് വനംവകുപ്പ് മന്ത്രി.
സമൂഹം നിലനില്ക്കുന്നിടത്തോളം കാലം ഉണ്ടാകുന്ന ഒരു പ്രശ്നമല്ലേ വന്യജീവി ആക്രമണം. ശാശ്വതമെന്ന് പറയാനാകില്ല. പരമാവധി പരിഹരിക്കും എന്നാണ് പറയാനുള്ളത്. ഇനി മേലാല് കേരളത്തില് ആത്മഹത്യയുണ്ടാകില്ലെന്ന് പറയാന് ആര്ക്കെങ്കിലും സാധിക്കുമോ? ഒരു റോഡ് അപകടം ഉണ്ടാകില്ലെന്ന് പറയാന് സാധിക്കുമോ? ഇതെല്ലാം പ്രകൃതി ദുരന്തങ്ങളാണ്. ഇതിനൊന്നും അവസാന വാക്കുപറയാന് ആര്ക്കാണ് സാധിക്കുക? ജനങ്ങളെ തെറ്റായ വ്യാഖ്യാനങ്ങളിലൂടെ തെറ്റിദ്ധരിപ്പിക്കരുതെന്നും മന്ത്രിപറഞ്ഞു.