അരവിന്ദ് കെജ്രിവാള് അറസ്റ്റിലായതോടെ ഏറ്റവും കൂടുതല് ഭയക്കുന്നത് മുഖ്യമന്ത്രി പിണറായി വിജയനെന്ന് പിസി ജോര്ജ്ജ്. കെജ്രിവാളിന്റെ അവസ്ഥ പിണറായി വിജയനും വരുമെന്ന് പിസി ജോര്ജ്ജ് പറഞ്ഞു. കെജ്രിവാള് അകത്തായപ്പോള് ഏറ്റവും കൂടുതല് നെഞ്ചിടിപ്പ് പിണറായിക്കാണെന്നായിരുന്നു പിസിയുടെ പരിഹാസം.
തെറ്റ് ചെയ്തതിനാണ് അറസ്റ്റ് ഉണ്ടായിരിക്കുന്നത്. കെജ്രിവാളിന്റെ കാര്യത്തില് എന്തുകൊണ്ടാണ് സുപ്രീംകോടതി ഇടപെടാതിരുന്നത്. കളവും പിടിച്ചുപറിയും നടത്തുമ്പോള് ഓര്ക്കണമായിരുന്നു. ഏഴ് തവണ നോട്ടീസ് നല്കിയിട്ടും ഹാജരാകാതിരുന്നാല് അറസ്റ്റ് ചെയ്യുകയല്ലാതെ ഉമ്മ വയ്ക്കണമായിരുന്നോ എന്നും പിസി ജോര്ജ്ജ് ചോദിച്ചു.
മദ്യനയം എന്തിന് തിരുത്തിയെന്ന് അരവിന്ദ് കെജ്രിവാള് മറുപടി പറയണമെന്നും പിസി പറഞ്ഞു. 2029ല് കേരളത്തില് ബിജെപി മുഖ്യമന്ത്രി ഉണ്ടാകും. പ്രധാനമന്ത്രി ചെയ്യുന്ന നല്ല കാര്യങ്ങള് ജനങ്ങളിലെത്തിക്കാന് മാധ്യമങ്ങള് തയ്യാറാകുന്നില്ലെന്നും പിസി ജോര്ജ്ജ് അഭിപ്രായപ്പെട്ടു.