വയനാട് മുണ്ടക്കൈ – ചൂരല്മല പുനരധിവാസത്തിനായുള്ള ഭൂമി ഏറ്റെടുപ്പിൽ ഹാരിസണ് മലയാളത്തിന്റെ നെടുമ്പാല എസ്റ്റേറ്റ് തല്ക്കാലം ഏറ്റെടുക്കില്ലെന്ന് സര്ക്കാര് ഹൈക്കോടതിയെ അറിയിച്ചു. ഹാരിസണ്സ് മലയാളത്തിന്റെ അപ്പീലിലാണ് സര്ക്കാര് നടപടി. ഇതോടെ പുനരധിവാസത്തിനായി ആദ്യഘട്ടത്തില് ഏറ്റെടുക്കുക എല്സ്റ്റണ് എസ്റ്റേറ്റ് മാത്രമായിരിക്കും.
ഹൈക്കോടതി ഡിവിഷന് ബെഞ്ചിന് മുൻപാകെ ഹാരിസണ് മലയാളത്തിന്റെ അപ്പീലിലാണ് സര്ക്കാര് നിലപാട് അറിയിച്ചത്. ഏറ്റെടുക്കാന് ഉദ്ദേശിച്ച ഭൂമിക്ക് ഹാരിസണ്സ് ഇപ്പോള് തുക കെട്ടിവയ്ക്കേണ്ടതില്ലെന്നും ആദ്യ ഘട്ടത്തില് 430 കുടുംബങ്ങള്ക്കായാണ് പുനരധിവാസ പദ്ധതി നടപ്പാക്കേണ്ടതെന്നും സർക്കാരിന്റെ അഡ്വക്കറ്റ് ജനറല് ഹൈക്കോടതിയെ അറിയിച്ചു.
ആദ്യ ഘട്ടത്തില് 215 കുടുംബങ്ങളെ പുനരധിവസിപ്പിക്കാനുള്ള ഭൂമി മതിയാകും. ഈ സാഹചര്യത്തില് എല്സ്റ്റണ്, ഹാരിസണ്സ് എസ്റ്റേറ്റുകള് ഒരുമിച്ച് ഏറ്റെടുക്കേണ്ടതില്ല. ദുരന്തബാധിതരില് പലരും 15 ലക്ഷം രൂപ നഷ്ടപരിഹാരം മതിയെന്ന നിലപാടാണ് എടുത്തത്. എന്നാൽ നഷ്ടപരിഹാര ആവശ്യം ഇപ്പോള് പരിഗണിക്കേണ്ടതില്ലെന്ന് ഹൈക്കോടതി ഡിവിഷന് ബെഞ്ച് അറിയിച്ചു.