തന്റെ പ്രായത്തെ പരിഹസിച്ച കോണ്‍ഗ്രസ് നേതാവ് കെ.സുധാകരന്റെ വിമര്‍ശനത്തിന് മറുപടിയുമായി വി.എസ് അച്യുതാനന്ദന്‍. ജന്മനാ തലച്ചോറ് ശുഷ്കമായ ചില തലനരയ്ക്കാനനുവദിക്കാത്ത വൃദ്ധന്മാര്‍ എന്റെ തലയോട്ടിയുടെ ഉള്ളളവ് വിശകലനം ചെയ്യുന്ന തിരക്കിലാണെന്ന് വി.എസ് പറഞ്ഞു.തന്റെ ഫേസ്ബുക്ക് പോസ്റ്റിലൂടെയാണ് വി.എസ് സുധാകരന് മറുപടി നല്‍കിയത്.
ഇതുകൂടാതെ എന്‍.എസ്.എസ് പ്രതിപക്ഷത്തിന്റെ കച്ചിതുരുമ്പാണെന്ന് വി.എസ് പരിഹസിച്ചു.ഏതോ സമുദായ പോപ്പ് പറയുന്നതിനനുസരിച്ച് തുള്ളുന്ന സമുദായങ്ങള്‍ ഇന്നില്ല എന്നെങ്കിലും ഇവര്‍ തിരിച്ചറിയുന്നത് നന്നായിരിക്കുമെന്നും വി.എസ് ഫേസ്ബുക്കില്‍ കുറിച്ചു.
പീഡനക്കേസിലെ തന്നെക്കാള്‍ യുവാവായ പ്രതിയെ വിദേശത്തേക്ക് കടത്താന്‍ സഹായിച്ച യുവ വൃദ്ധന്റെ ജല്‍പ്പനങ്ങള്‍ക്കല്ല, നാടിന്റെ വികസനത്തെക്കുറിച്ചാണ് ജനങ്ങള്‍ കാതോര്‍ക്കുകയെന്നും വി.എസ് അഭിപ്രായപ്പെട്ടു.
വറ്റിവരണ്ട തലയോട്ടിയില്‍ നിന്ന് എന്ത് ഭരണപരിഷ്‌കാരമുണ്ടാകാനാണെന്നായിരുന്നു വട്ടിയൂര്‍ക്കാവില്‍ നടന്ന യുഡിഎഫ് തിരഞ്ഞെടുപ്പ് പ്രചാരണ റാലിക്കിടെ കെ.സുധാകരന് നടത്തിയ പരാമര്‍ശം.
ഫേസ്ബുക്ക് കുറിപ്പ് വായിക്കാം