ഗുജറാത്തിലെ ഡാഷ്ബോര്ഡ് സംവിധാനത്തെ പ്രശംസിച്ച് ചീഫ് സെക്രട്ടറി വിപി ജോയ്. പദ്ധതിയുടെ പുരോഗതിയും, ഉദ്യോഗസ്ഥരുടെ സേവനവും കൃത്യമായി വിലയിരുത്താന് സാധിക്കും. വികസന പുരോഗതി വിലയിരുത്താന് മികച്ച സംവിധാനമാണെന്നും ചീഫ് സെക്രട്ടറി പറഞ്ഞു. ഇന്ന് ഗുജറാത്ത് ഉദ്യോഗസ്ഥരുമായി കേരള സംഘം കൂടിക്കാഴ്ച നടത്തും.
പദ്ധതി നടത്തിപ്പുമായി ബന്ധപ്പെട്ട കൂടുതല് ചര്ച്ചകള് ഇന്നും നാളെയുമായി നടക്കും. പദ്ധതിയെക്കുറിച്ച് പ്രാഥമിക വിവരം ലഭിച്ചപ്പോള് തന്നെ വളരെ അത്ഭുകരമെന്നാണ് ചീഫ് സെക്രട്ടറി പ്രശംസിച്ചത്.
ഗുജറാത്തില് ഇ-ഗവേണന്സിനായി നടപ്പാക്കിയ ഡാഷ്ബോര്ഡ് സിസ്റ്റം പഠിക്കാനാണ് ചീഫ് സെക്രട്ടറി വി പി ജോയ് ഉള്പ്പെട്ട സംഘം ഗുജറാത്തിലേക്ക് പോയത്. 29ാം തിയതി വരെയാണ് സന്ദര്ശനം. വന്കിട പദ്ധതികളുടെ ഏകോപനത്തിനായാണ് ഗുജറാത്തില് ഡാഷ്ബോര്ഡ് സിസ്റ്റം തയ്യാറാക്കിയത്.
2019ല് ഗുജറാത്ത് മുഖ്യമന്ത്രിയായിരുന്ന വിജയ് രൂപാണിയാണ് പദ്ധതി ആരംഭിച്ചത്. സംസ്ഥാനത്ത് നടപ്പാക്കുന്ന വിവിധ പദ്ധതികള് മുഖ്യമന്ത്രിയ്ക്ക് ഒറ്റനോട്ടത്തില് മനസ്സിലാക്കാന് സാധിക്കുന്ന സംവിധാനമാണിത്. ഓരോ വകുപ്പിലും നടപ്പാക്കുന്ന പദ്ധതികളെക്കുറിച്ചും അതിന്റെ പുരോഗതിയെക്കുറിച്ചും ഇതില് നിന്ന് മനസ്സിലാക്കാനാകും.
സന്ദര്ശനത്തിന് ശേഷം ചീഫ് സെക്രട്ടറി തല സമിതി റിപ്പോര്ട്ട് മുഖ്യമന്ത്രിയ്ക്ക് കൈമാറും. ഇത് പഠിച്ച ശേഷമായിരിക്കും സംസ്ഥാനത്ത് നടപ്പാക്കുമോ എന്നതില് തീരുമാനമെടുക്കുക.