വർക്കലയിലെ ഫ്ലോട്ടിംഗ് ബ്രിഡ്ജ് തകർന്ന് അപകടം ഉണ്ടായതിൽ ടൂറിസം സെക്രട്ടറി ഇന്ന് റിപ്പോർട്ട് നൽകിയേക്കും. അടിയന്തര റിപ്പോർട്ട് സമർപ്പിക്കാൻ ഇന്നലെ തന്നെ മന്ത്രി നിർദ്ദേശം നൽകിയിരുന്നു. അതേസമയം ഫ്ളോട്ടിങ് ബ്രിഡ്ജ് നിർമ്മിച്ചത് ചട്ടങ്ങൾ മറികടന്നെന്നാണ് പുറത്തു വരുന്ന വിവരം. നിർമ്മാണം നടന്നത് തീരദേശ പരിപാലന ചട്ടങ്ങൾ പാലിക്കാതെയാണ്.
ഇന്നലെ വൈകിട്ട് ഉണ്ടായ അപകടത്തിൽ പരിക്കേറ്റ ഒരാളുടെ നില ഗുരുതരമാണ്. 15 പേർക്കാന് കടലിൽ വീണ് പരിക്ക് പറ്റിയത്. മെഡിക്കൽ കോളേജ് ആശുപത്രിയിൽ ചികിത്സയിൽ ഉള്ള ഹൈദരാബാദ് സ്വദേശിനിക്കാണ് ഗുരുതര പരിക്കുകൾ ഉള്ളത്. ഇന്നലെ പാലത്തിന്റെ കൈവരി തകർന്നാണ് സഞ്ചാരികൾ കടലിൽ വീണത്.