വാല്പാറയിൽ നടന്ന വാഹനാപകടത്തിൽ ഒരു കുട്ടി അടക്കം 9 പേർക്ക് ദാരുണാന്ത്യം. മിനി വാന് മറിഞ്ഞാണ് അപകടമുണ്ടായത്. അപകടത്തില് മരിച്ചവരുടെ പൊതുദര്ശനത്തിനുള്ള ക്രമീകരണങ്ങള് പൂര്ത്തിയായി. പൊള്ളാച്ചി ആശുപത്രിയില് വെച്ച് ഒമ്പത് പേരുടെയും പോസ്റ്റ്മോര്ട്ടം പൂര്ത്തീകരിച്ചു. അര്ധരാത്രി 12 മണിയോടെ ആരംഭിച്ച പോസ്റ്റുമോര്ട്ടം പൂര്ത്തിയായത് പുലര്ച്ചെ 4 മണിയോടെയാണ്.
മരിച്ച ഒമ്പത് പേരുടെയും മൃതദേഹങ്ങളുമായി ആംബുലന്സുകള് പൊള്ളാച്ചിയില് നിന്ന് പുറപ്പെട്ടു. കേരള അതിര്ത്തിവരെ ആംബുലന്സുകള്ക്ക് തമിഴ്നാട് പൊലീസ് അകമ്പടിയുണ്ടായി. മൃതദേഹങ്ങള് 8.30ഓടെ പാങ്ങ് ഹയര്സെക്കന്ററി സ്കൂളിലെത്തിക്കും. ഒരു മണിക്കൂര് പൊതുദര്ശനം നടക്കും.
കൊയമ്പത്തൂര് മെഡിക്കല് കോളേജില് ചികിത്സയില് ഉള്ള മൂന്ന് പേരും നീരീക്ഷണത്തില് തുടരുകയാണ്. സാജിതയുടെ മകന് ഷഹദിന് (11), ട്രാവലര് ഡ്രൈവര് മുഹമ്മദ് ഫായിസ് (22), സ്കൂള് ബസ് ഡ്രൈവര് നൗഷാദ് (39) എന്നിവരാണ് ചികിത്സയിലുള്ളത്.