വടക്കഞ്ചേരി അപകടത്തിലെ പ്രതി ടൂറിസ്റ്റ് ബസ് ഡ്രൈവര് ജോമോന് അപകട സമയത്ത് ലഹരി ഉപയോഗിച്ചിരുന്നില്ലെന്ന് പരിശോധനാ ഫലം. ജോമോന്റെ രക്തത്തില് ലഹരി സാന്നിധ്യമില്ല. കാക്കനാട് കെമിക്കല് ലാബിന്റെ പരിശോധനയിലാണ് കണ്ടെത്തല്.
അപകടത്തിന് കാരണം ലഹരി ഉപയോഗമാണോ എന്ന് കണ്ടെത്താനാണ് രക്തം വിശദപരിശോധനക്ക് അയച്ചത്. അതേസമയം ജോമോന്റെ രക്തം പരിശോധനയ്ക്ക് അയച്ചത് മണിക്കൂറുകള് വൈകിയാണെന്ന ആരോപണം ശക്തമായിട്ടുണ്ട്.
അപകടത്തില് വിദ്യാര്ഥികള് അടക്കം ഒന്പത് പേരാണ് മരണപ്പെട്ടത്. അപകടം ശേഷം ഒളിവില് പോയ ജോമോനെ കൊല്ലത്ത് വെച്ചാണ് പൊലീസ് പിടികൂടിയത്. അപകടം നടക്കുന്ന സമയത്ത് ടൂറിസ്റ്റ് ബസ് അമിത വേഗത്തിലായിരുന്നുവെന്ന് കണ്ടെത്തിയിരുന്നു.
അമിത വേഗത്തിലായിരുന്ന ബസ് കെഎസ്ആര്ടിസി ബസിന്റെ പിന്നിലേക്ക് ഇടിച്ചുകയറി മറിയുകയായിരുന്നു.