ഉദ്ഘാടനം ചെയ്ത് രണ്ടുമാസം പിന്നിടുമ്പോഴേക്കും കൊല്ലം പത്തനാപുരത്ത് ആയുര്വേദ ആശുപത്രിയുടെ സീലിംഗ് തകര്ന്നു വീണു. തലവൂര് ആയുര്വേദ ആശുപത്രിയിലെ സീലിംഗുകളാണ് തകര്ന്നത്. പ്രധാന കെട്ടിടത്തിലെ ജിപ്സം ബോര്ഡ് സീലിംഗാണ് തകര്ന്നത്. ഇന്നലെ രാത്രിയായിരുന്നു സംഭവം.
കെട്ടിടത്തില് രോഗികള് ഇല്ലാതിരുന്നതിനാല് ആളപായം ഉണ്ടായില്ല. രണ്ടുമാസം മുമ്പ് ആരോഗ്യമന്ത്രി വീണാ ജോര്ജ്ജാണ് ആശുപത്രിയുടെ ഉദ്ഘാടനം നിര്വ്വഹിച്ചത്. കെ ബി ഗണേഷ് കുമാര് എം.എല്.എ യുടെ ആസ്തി വികസന ഫണ്ടില് നിന്നും 3 കോടി രൂപ ചെലവിട്ടാണ് ആശുപത്രിക്ക് വേണ്ടി പുതിയ കെട്ടിടം നിര്മ്മിച്ചത്.
ഈ ആയുര്വേദ ആശുപത്രി നേരത്തെയും വാര്ത്തകളില് ചര്ച്ച ചെയ്യപ്പെട്ടിരുന്നു. കെട്ടിടം വൃത്തിയായി സൂക്ഷിക്കാത്തതിനെ തുടര്ന്നും ഉദ്ഘാടനം നടത്തുന്നതിന് മുമ്പ് തന്നെ ടൈലുകളടക്കം ഇളകിപ്പോയതിനെ തുടര്ന്നും കെ ബി ഗണേഷ് കുമാര് എംഎല്എ ആശുപത്തരി അധികൃതരെ ശകാരിച്ചിരുന്നു. ഈ സംഭവം അന്ന് വിവാദമായിരുന്നു.
അതേസമയം ആശുപത്രി കെട്ടിടത്തിന്റെ നിര്മ്മാണത്തില് അഴിമതിയുണ്ടായിട്ടുണ്ടെന്നും ആരോപണം ഉയരുന്നു. സംഭവത്തില് വിജിലന്സ് അന്വേഷണം വേണമെന്നും പ്രതിപക്ഷം ആവശ്യപ്പെടുന്നു. ഇതര സംസ്ഥാനങ്ങളില് നിന്നുപോലും രോഗികള് എത്തുന്ന ആശുപത്രിയാണ് തലവൂര് ആയുര്വേദ ആശുപത്രി.