നടിയെ ആക്രമിച്ച കേസില് ഒന്നാംപ്രതിയായ പള്സര് സുനി സുപ്രീം കോടതിയെ സമീപിച്ചു. കേസില് വീണ്ടും രണ്ട് പേരെ കൂടി വിസ്തരിക്കണമെന്ന് ആവശ്യപ്പെട്ടാണ് സുനി സുപ്രീം കോടതിയെ സമീപിച്ചിരിക്കുന്നത്. കേസില് ഹാജരായ രണ്ട് ഫോറന്സിക് വിദഗ്ധരെ വീണ്ടും വിസ്തരിക്കണമെന്നാണ് ആവശ്യം.
ഇതേ ആവശ്യവുമായി നേരത്തെ ഹൈക്കോടതിയെ സമീപിച്ചിരുന്നെങ്കിലും ആവശ്യം തള്ളിയിരുന്നു. ഇതേ തുടര്ന്നാണ് സുപ്രീം കോടതിയില് അപ്പീല് നല്കിയത്. നടിയെ ആക്രമിച്ച കേസിലെ ഒന്നാം പ്രതിയായ പള്സര് സുനി ഏഴരവര്ഷത്തിനുശേഷം കഴിഞ്ഞ ദിവസമാണ് ജയിലില് നിന്ന് ജാമ്യത്തില് പുറത്തിറങ്ങിയത്.
സുപ്രീം കോടതിയുടെ നിര്ദേശത്തെ തുടര്ന്നാണ് വിചാരണ കോടതി കേസില് പള്സര് സുനിക്ക് ജാമ്യം അനുവദിച്ചത്. 2017 ജൂണ് 18നാണ് നടിയെ ആക്രമിച്ച കേസില് സുനില്കുമാറിനെ ഒന്നാംപ്രതിയാക്കി അങ്കമാലി ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതിയില് പൊലീസ് കുറ്റപത്രം സമര്പ്പിച്ചത്.