പൂരപ്രേമികൾക്ക് ആവേശം പകർന്ന് തൃശൂർ പൂരത്തിന്റെ മേളപ്പെരുമ. കിഴക്കൂട്ട് അനിയൻമാരാരുടെ മേതൃത്വത്തിൽ ഇലഞ്ഞിത്തറമേളം തുടങ്ങി. ചേരാനെല്ലൂർ ശങ്കരൻകുട്ടി മാരാർ ആണ് തിരുവമ്പാടിയുടെ പാണ്ടിമേളത്തിനു പ്രമാണിയായെത്തുന്നത്. നെയ്തലക്കാവിലമ്മയെ തിടമ്പേറ്റിയ തെച്ചിക്കോട്ടുകാവ് രാമചന്ദ്രനെ കാണാൻ എത്തിയത് ആയിരങ്ങളാണ്.
പൂരത്തിന്റെ പ്രധാന ആകർഷകങ്ങളായ തെക്കോട്ടിറക്കവും കുടമാറ്റവും.
വൈകീട്ട് നടക്കും. രാത്രി 10.30നു പാറമേക്കാവിന്റെ പഞ്ചവാദ്യത്തിനു ചോറ്റാനിക്കര നന്ദപ്പ മാരാർ പ്രമാണിയാകും. തിങ്കൾ പുലർച്ചെ 3ന് വെടിക്കെട്ട് ആരംഭിക്കും. ആയിരക്കണക്കിന് ജനങ്ങളാണ് ഇതിനോടകം പൂര നഗരിയിൽ എത്തിച്ചേർന്നിരിക്കുന്നത്.