മുതിര്ന്ന കോണ്ഗ്രസ് നേതാവ് രമേശ് ചെന്നിത്തലയെ പരിഹസിച്ച മുഖ്യമന്ത്രിയെ വിമര്ശിച്ച് മുസ്ലിം ലീഗ് എംഎല്എ നജീബ് കാന്തപുരം. തനിക്കും ഇന്ന് ദുര്ദിനമാണെന്ന് അദ്ദേഹം ഫെയ്സ്ബുക്കില് കുറിച്ചു. ഇന്ത്യ എന്നെങ്കിലും വര്ഗീയ ശക്തികളുടെ കൈകളില് നിന്നും മോചിക്കപ്പെടും എന്ന് ആഗ്രഹിച്ചത് കൊണ്ടും പണവും വര്ഗീയതയും ജനാധിപത്യത്തെ കശക്കി എറിയുന്നത് കണ്ട് നില്ക്കാന് കഴിയാത്തത് കൊണ്ട് തനിക്കും ഇന്ന് ദുര്ദിനമാണെന്ന് നജീബ് പറയുന്നു.
മോദിസത്തോട് അനുഭാവമില്ലാത്ത ഓരോ ഇന്ത്യക്കാരനും ഇന്ന് ദുര്ദിനം തന്നെയാണെന്നും അദ്ദേഹം കൂട്ടിച്ചേര്ത്തു. ആലപ്പുഴയില് വലിയഴീക്കല് പാലത്തിന്റെ ഉദ്ഘാടന ചടങ്ങില് പ്രസംഗിക്കവെയായിരുന്നു മുഖ്യമന്ത്രിയുടെ പരാമര്ശം.
കുറിപ്പിന്റെ പൂര്ണരൂപം:
എനിക്കും ഇന്ന് ദുര്ദിനമാണ്. ഈ രാജ്യം എന്നെങ്കിലും വര്ഗ്ഗീയ ശക്തികളുടെ കൈകളില് നിന്ന് മോചിപ്പിക്കപ്പെടും എന്ന് ആഗ്രഹിച്ചത് കൊണ്ട്. പണവും വര്ഗ്ഗീയതയും ജനാധിപത്യത്തെ കശക്കിയെറിയുന്നത് കണ്ട് നില്ക്കാന് വയ്യാത്തത് കൊണ്ട്. അതു കൊണ്ട് തന്നെ എനിക്കും ഇന്ന്
ദുര്ദിനമാണ്. എനിക്ക് മാത്രമല്ല മോദിസത്തോട് അനുഭാവമില്ലാത്ത ഓരോ ഇന്ത്യക്കാരനും ഇന്ന് ദുര്ദിനം തന്നെയാണ്.