വിഴിഞ്ഞത്ത് നിന്ന് മത്സ്യബന്ധനത്തിനായി പോയ മൂന്നു മത്സ്യത്തൊഴിലാളികളെ കാണാനില്ല. മീരാ സാഹിബ്, മുഹമ്മദ് ഹനീഫ, അന്വര് എന്നിവരെയാണ് കാണാതായത്. ഇവര് ഇന്നലെയാണ് കടലില് പോയത്. രാത്രി 11 മണിയോടെ തിരിച്ചെത്തേണ്ടതായിരുന്നു.
എന്നാല് ഇന്ന് രാവിലെയായിട്ടും തിരിച്ചെത്താത്തതിനെ തുടര്ന്നാണ് അന്വേഷണം തുടങ്ങിയത്. കടല് പ്രക്ഷുബ്ദമായതിനാല് സര്ക്കാറിന്റെ തെരച്ചില് ബോട്ടുകളും മറ്റും ഉപയോഗപ്പെടുത്താന് സാധിക്കുന്നില്ല എന്നതും വെല്ലുവിളിയാകുന്നുണ്ട്.
വിഴിഞ്ഞം പൂവാര് ഭാഗത്തേക്കാണ് ഇവര് പോയിട്ടുള്ളത് എന്നാണ് മത്സ്യത്തൊഴിലാളികള് നല്കുന്ന വിവരം.ഈ പ്രദേശം കേന്ദ്രീകരിച്ചാണ് ഇപ്പോള് തെരച്ചില് നടക്കുന്നത്.