പള്ളിയിൽ വച്ച് കൈക്കുഞ്ഞിന്റെ അരഞ്ഞാണം മോഷ്ടിച്ച് വിഴുങ്ങിയ 48കാരി പിടിയിൽ. മലപ്പുറം നിറമരുതൂർ സ്വദേശിനി മലയിൽ ദിൽഷാദ് ബീഗം (48) ആണ് പിടിയിലായത്. തിരൂർ പൊലീസാണ് അറസ്റ്റ് ചെയ്തത്. അതേസമയം തിരൂർ മജിസ്ട്രേറ്റ് മുമ്പാകെ ഹാജരാക്കിയ പ്രതിയെ റിമാൻഡ് ചെയ്തു.
ഇക്കഴിഞ്ഞ ഞായറാഴ്ച വൈകീട്ടായിരുന്നു സംഭവം. തിരൂർ പാൻബസാറിലെ പള്ളിയിൽ നിസ്കരിക്കാൻ കയറിയ കുടുംബത്തോടൊപ്പം ഉണ്ടായിരുന്ന കൈകുഞ്ഞിന്റെ അരഞ്ഞാണമാണ് പ്രതി മോഷ്ടിച്ചത്. തുടർന്ന് ഇത് വിഴുങ്ങുകയായിരുന്നു. സംഭവത്തെ തുടർന്ന് വിവരമറിഞ്ഞെത്തിയ തിരൂർ പൊലീസ് യുവതിയെ കസ്റ്റഡിയിലെടുക്കുകയായിരുന്നു.
എന്നാൽ പൊലീസ് ചോദ്യംചെയ്യലിൽ താൻ മോഷിടിച്ചിട്ടില്ലെന്നായിരുന്നു യുവതി പറഞ്ഞത്. എന്നാൽ സിസിടിവി ദൃശ്യങ്ങൾ നിർണായകമായി. പരിശോധനയിൽ ഇവർ സ്വർണം വിഴുങ്ങിയതായി സംശയം തോന്നിയ പൊലീസ് യുവതിയുടെ എക്സ്റേ എടുത്തു പരിശോധിക്കുകയായിരുന്നു. തുടർന്ന് യുവതിയുടെ ശരീരത്തിൽ സ്വർണത്തിന്റെ സാന്നിധ്യം ഡോക്ടർ സ്ഥിരീകരിക്കുകയായിരുന്നു.