ചാനല് യുദ്ധം കൊടുമ്പിരി കൊള്ളുന്നതിനിടെ അടുത്ത വെടി പൊട്ടിച്ചിരിക്കുകയാണ് എഷ്യാനെറ്റ് ന്യൂസിലെ വിനു വി ജോണ്. നേരത്തെ മോന്സണ് വിവാദത്തോടെ ട്വന്റിഫോര് ന്യൂസും ഏഷ്യാനെറ്റ് ന്യൂസുമായി പോര് കനക്കുകയാണ്. വ്യക്തിപരമായ വിഴുപ്പലക്കലിലേക്ക് വരെ ചാനല് യുദ്ധം എത്തിയതോടെ വിമര്ശനവും ഉയരുന്നുണ്ട്. തനിക്കെതിരെ യുദ്ധം ചെയ്യുന്നത് ജമാഅത്തെ ഇസ്ലാമിയുടെ ക്വട്ടേഷന് എന്നാണ് വിനുവിന്റെ ഏറ്റവുമൊടുവിലെ മറുപടി.
കഴിഞ്ഞ ദിവസം മീഡിയാ വണ് എഡിറ്റര് പ്രമോദ് രാമന് വിനു വി ജോണിനെതിരെ ഫെയ്സ്ബുക്ക് പോസ്റ്റിട്ടിരുന്നു. ഇതിന് പിന്നാലെ രാമന് ഏദന്തോട്ടമെന്ന് പരാമര്ശിച്ചായിരുന്നു വിനു കഴിഞ്ഞ ദിവസം ട്വീറ്റ് ചെയ്തത്. ഷാര്ജ ഇന്ത്യന് അസോസിയേഷന് ഹാളില് തീവ്ര ലഹരിയില് കുഴഞ്ഞുവീണ് പ്രവാസികളെ ഉദ്ബോധിപ്പിച്ച് മാതൃകയായ ഒരു എഡിറ്റര് മാധ്യമ സദാചാര പോസ്റ്റിട്ടിട്ടുണ്ട്. എന്നായിരുന്നു വിനുവിന്റെ ഒളിയമ്പ്. എന്നാല് വ്യക്തിപരമായി അധിക്ഷേപിച്ചു എന്ന് കാട്ടി മറ്റു മാധ്യമ പ്രവര്ത്തകരും സമൂഹ മാധ്യമങ്ങളില് ഏറ്റുമുട്ടി കൊണ്ടിരിക്കുകയാണ്.
കഴിഞ്ഞ ദിവസം അവതാരകര് അതിര് വിടരുത് എന്ന തലക്കെട്ടില് ട്വന്റിഫോര് ന്യൂസ് പ്രത്യേക ചര്ച്ച സംഘടിപ്പിച്ചിരുന്നു. സെപ്റ്റംബര് 26ന് താലിബാന് മാറിയോ എന്ന ചര്ച്ച ഏഷ്യാനെറ്റ് സംഘടിപ്പിച്ചിരുന്നു. ഈ ചര്ച്ചയില് ജമാഅത്തെ ഇസ്ലാമിക്കെതിരെ രൂക്ഷ വിമര്ശനം ഉയര്ന്നു. അതിനുള്ള പകയാണ് അവരുടെ ചാനല് എഡിറ്ററായ പ്രമോദ് രാമനെ ഉപയോഗിച്ച് എഫ്ബി പോസ്റ്റിലൂടെ തീര്ത്തത് എന്നാണ് വിനു വി ജോണിന്റെ വ്യാഖ്യാനം. എഡിറ്റര്മാര്, മറ്റു സ്ഥാപനങ്ങള് എന്ത് ചെയ്യണം എന്ന് പറയുക പതിവില്ല. ഇത് ജമാഅത്തെ ഇസ്ലാമിയുടെ ക്വട്ടേഷന് ആണെന്നും വിനു ട്വീറ്റു ചെയ്യുന്നു.