തിരുവല്ലം പൊലിസിന്റെ കസ്റ്റഡിയിലിരിക്കെ മരിച്ച സുരേഷിന്റെ മരണകാരണം ഹൃദയാഘാതമെന്ന് പോസ്റ്റ്മോര്ട്ടം റിപ്പോര്ട്ട്. ഹൃദയാഘാതമാണ് മരണകാരണെങ്കിലും ഹൃദയാഘാതമുണ്ടായത് എങ്ങനെയെന്ന വ്യക്തമാകാന് കൂടുതല് ശാത്രീയ പരിശോധനാ ഫലങ്ങള് വരേണ്ടതുണ്ട്.
മര്ദ്ദനമാണ് മരണകാരണമെന്നാണ് റിപ്പോര്ട്ടെങ്കില് അന്വേഷണം സിബിഐക്ക് മാറും. തിരുവല്ലത്തെ വീട്ടില് പൊതുദര്ശനത്തിന് വച്ച ശേഷം സുരേഷിന്റെ മൃതദേഹം ശാന്തികവാടത്തില് സംസ്കാരിച്ചു.
ദമ്പതികളെ ആക്രമിച്ചതുമായി ബന്ധപ്പെട്ട കേസില് ഞായറാഴ്ച രാത്രി എട്ടരയോടെയാണ് സുരേഷിനെ പൊലീസ് കസ്റ്റഡിയിലെടുത്തത്. തുടര്ന്ന് തിരുവല്ലം പൊലീസ് സ്റ്റേഷനിലേക്ക് ഇയാളെ കൊണ്ടുവന്നു. തിങ്കളാഴ്ച രാവിലെ 9 മണിയോടെ സുരേഷിന് ദേഹാസ്വസ്ഥ്യവും തളര്ച്ചയും ഉണ്ടായി.
തുടര്ന്ന് പൂന്തുറ ആശുപത്രിയിലേക്കും പിന്നീട് മെഡിക്കല് കോളജിലേക്ക് പോകും വഴി ആരോഗ്യനില വഷളായതിനാല് അനന്തപുരിയി സ്വകാര്യ ആശുപത്രിയിലേക്കും കൊണ്ടുപോയി. പക്ഷേ ജീവന് രക്ഷിക്കാനായില്ല. പല ക്രിമിനല് കേസുകളിലും പ്രതിയായിരുന്നു സുരേഷ്.