തൃശൂര് പൂരത്തിന് നെയ്തലക്കാവിലമ്മയുടെ തിടമ്പേറ്റാന് വീണ്ടും തെച്ചിക്കോട്ടുകാവ് രാമചന്ദ്രന്. തൃശൂര് പൂരത്തിനായിരിക്കും ദേവിയുടെ തിടമ്പ് തെച്ചിക്കോട്ടുകാവ് രാമചന്ദ്രന് ഏറ്റുക. തൃശൂര് പൂര വിളംബരത്തിന് എറണാകുളം ശിവകുമാറായിരിക്കും തെക്കേനട തള്ളിത്തുറക്കുക. നേരത്തെ പൂരവിളംബരത്തില് നിന്ന് തെച്ചിക്കോട്ടുകാവ് രാമചന്ദ്രനെ ഒഴിവാക്കിയിരുന്നു. എന്നാല് നെയ്തലക്കാവ് ദേവസ്വം ഇടപെട്ടാണ് പൂരദിവസം തെച്ചിക്കോട്ടുകാവ് രാമചന്ദ്രനെ ഇറക്കിയിരിക്കുന്നത്.
കൊച്ചിന് ദേവസ്വം ബോര്ഡ് വിളിച്ചു ചേര്ത്ത ഘടക പൂരങ്ങളുടെ യോഗത്തിലാണ് ഇത് സംബന്ധിച്ച തീരുമാനമുണ്ടായത്. നെയ്തലക്കാവ് ഭഗവതിയുടെ തിടമ്പേറ്റിയാണ് എറണാകുളം ശിവകുമാര് തെക്കേനട തള്ളിത്തുറന്ന് പൂര വിളംബരം നടത്തുക. ഇക്കൊല്ലം വീണ്ടും പൂരത്തിനിറങ്ങിയ തെച്ചിക്കോട്ട് കാവ് രാമചന്ദ്രന് തിടമ്പ് നല്കാന് ആരാധകര് ആവശ്യപ്പെട്ടിരുന്നു. അത് തള്ളിയാണ് എറണാകുളം ശിവകുമാറിന് തിടമ്പ് നല്കിയിരിക്കുന്നത്.